Вы тут

У панядзелак стартуе IV Тыдзень беларускага прадпрымальніцтва


З 18 да 24 сакавіка Саюз юрыдычных асоб “Рэспубліканская канфедэрацыя прадпрымальніцтва” сумесна з Міністэрствам эканомікі, Дэпартаментам па прадпрымальніцтву, Беларускім фондам фінансавай падтрымкі прадпрымальніцтва і рэгіянальнымі бізнес-асацыяцыямі праводзяць традыцыйны Тыдзень беларускага прадпрымальніцтва.


У праграме Тыдня - круглыя сталы і панэльныя дыскусіі, навучальныя семінары і канферэнцыі, профільныя пасяджэнні, выступленні менеджэраў вышэйшага ўзроўню і бізнес-лідараў краіны.

На сем дзён запланавана больш за сто мерапрыемстваў, разлічаных на шырокую аўдыторыю ад школьнікаў да прадстаўнікоў буйнога бізнесу. У Мінску і рэгіёнах пройдуць сустрэчы прадстаўнікоў бізнесу і галін улады на месцах, акцыі «Прадпрымальнікі пра прадпрымальніцтва», «Дэманструем свой бізнес», «Падары кнігу бібліятэцы».

Ключавой падзеяй Тыдня будзе Рэспубліканскі дзелавы Форум «Развіццё прадпрымальніцтва Беларусі: стратэгія і тактыка», які адбудзецца 20 сакавіка ў Нацыянальнай бібліятэцы. Удзельнікі Форума даведаюцца пра вынікі апытання Індэкса дзелавога аптымізму – гэтае аналітычнае даследванне дэманструе, як уладальнікі бізнесу ацэньваюць створаныя ў краіне ўмовы для развіцця прадпрымальніцтва, - і праект Нацыянальнай платформы бізнеса Беларусі. Гэты дакумент, што змяшчае прапановы па паляпшэнні дзелавага клімату ў краіне, выпрацоўвае ўся бізнес-суполка Беларусі.

Дапоўняць праграму Тыдня беларускага прадпрымальніцтва культурна-асветніцкія мерапрыемствы.

Варвара МАРОЗАВА

Выбар рэдакцыі

Грамадства

На Пастаўшчыне адбыўся інклюзіўны фестываль

На Пастаўшчыне адбыўся інклюзіўны фестываль

Для дзяцей з абмежаванымі магчымасцямі «Асаблівыя, як усе». 

Культура

Алесь Бадак: ...Уся палітра беларускай літаратуры

Алесь Бадак: ...Уся палітра беларускай літаратуры

Мы сустрэліся з дырэктарам выдавецтва «Мастацкая літаратура» Алесем БАДАКОМ, каб пагаварыць пра найбліжэйшыя і, магчыма, больш далёкія перспектывы.