Вы тут

Крынічны дабрадзей


Вуліца Падгорная ў Докшыцах вядомая тым, што яна ідзе ўздоўж поймы Бярэзіны — менавіта тут пачынаецца славутая рака. А яшчэ і тым, што на вуліцы ўжо не адно стагоддзе прабіваецца іншая крыніца, на вадзе з якой яшчэ да вайны варылі знакаміты докшыцкі напой — піва гатунку экстра-класа. Пра гэта мне расказаў жыхар вуліцы — былы настаўнік фізікі і інфарматыкі васьмідзесяцігадовы Мікалай Ківа. Сорак гадоў Мікалай Сяргеевіч жыве каля гэтай крыніцы, даглядае яе, чысціць, рамантуе парэнчы і цэментуе прыступкі.


— Да крыніцы ходзіць не толькі ўся вуліца, прыязджаюць іншыя гараджане, таму месца павінна быць упарадкаваным, утульным, прыгожым, — кажа Мікалай Ківа і дадае, што некалі сын адвёз ваду ў сталіцу на аналіз і тым самым пацвердзіў, што яна ў крыніцы па-ранейшаму выключна чыстая.

Мікалай Сяргеевіч раіць піць гэтую ваду як мага часцей. Каб быць бадзёрым і не адчуваць сваіх гадоў, ён ужывае толькі гэты «эліксір здароўя». Але пенсіянеру хочацца, каб камунальныя службы горада нарэшце давялі справу па ўпарадкаванні тэрыторыі да канца, бо крынічны ставок пасля ачысткі стаў забалочвацца, вада ў ім не збіраецца, трэба над водаправодным люкам узвесці ахоўны навес — гэта будзе найлепшы падарунак помніку прыроды.

Анатоль Кляшчук, фота аўтара

На фота: крынічны дабрадзей Мікалай Ківа і яго добразычлівая суседка Валянціна Хілько

Выбар рэдакцыі

Грамадства

Першая зімоўка на Паўднёвым полюсе можа адбыцца ў 2020 годзе

Першая зімоўка на Паўднёвым полюсе можа адбыцца ў 2020 годзе

«Знаходжанне беларускіх палярнікаў у Антарктыдзе — гэта не вандроўка натуралістаў і не туры для экстрэмалаў, а сур'ёзная і карпатлівая штод

Спорт

Апублікаваны даведнік «Мінск» — карысны для турыстаў і падарожнікаў

Апублікаваны даведнік «Мінск» — карысны для турыстаў і падарожнікаў

Ён быў падрыхтаваны адмыслова напярэдадні II Еўрапейскіх гульняў.

Грамадства

У Полацку ўпершыню знойдзена пахаванне князя

У Полацку ўпершыню знойдзена пахаванне князя

Сярод знаходак — нямала сенсацый.

Грамадства

З баршчэўнікам змагаюцца нават з дапамогай квадракоптара

З баршчэўнікам змагаюцца нават з дапамогай квадракоптара

Вопыт Віцебшчыны ў знішчэнні баршчэўніку цікавы таму, што тут больш за 80 працэнтаў зараснікаў ад агульнага па краіне.