Вы тут

Тры нагоды ўключыць тэлевізар


Дата

У наступны панядзелак, 18 сакавіка, споўніцца 60 гадоў класіку сучаснага кінематографа — французскаму рэжысёру Люку Бесону. Адна з лепшых яго работ, знятая ў 1994-м крымінальная драма «Леон», што адкрыла для вялікай аўдыторыі імя актрысы Наталі Портман і зрабіла з Жана Рэно ўнікальнага героя — кілера, які любіць малако і не бярэ заказаў на жанчын і дзяцей, дагэтуль уваходзіць у 50 найлепшых кінастужак свету.

А вось тэлеканал «Камедыя» прапануе адзначыць юбілей рэжысёра 19 сакавіка — праглядам фільма «Пяты элемент».

Класіка

Сацыякультурны канал «Беларусь 3» працягвае рыхтаваць тэлеверсіі канцэртаў класічнай музыкі. Так, днямі адбыўся запіс музычнай праграмы Stаbаt Mаtеr — вядомы сярэднявечны рэлігійны твор, які існуе ў свеце ў больш як 200 варыяцыях (яго тэкст у свой час паклалі на мову музыкі Антоніа Вівальдзі, Франц Шуберт, Іозеф Гайдн, Джузепэ Вердзі і іншыя), прагучаў у музычным афармленні французскага піяніста і кампазітара Франсіса Пуленка ў выкананні акадэмічнага хору і сімфанічнага аркестра Белтэлерадыёкампаніі. У якасці дырыжора быў спецыяльна запрошаны з Германіі Вільгельм Кайтэль.

Хіт-парад

Чым вы звычайна снедаеце? Карыснай аўсянкай ці шкоднай кавай і булачкай? Тэлеканал АНТ прапануе свой варыянт: «Хіт на сняданак». Гэта ранішняя забаўляльна-музычная праграма выходзіць кожную суботу і спалучае ў сабе гумар і свежыя хіты беларускіх выканаўцаў. Пакуль жа ў меню музычнай кавярні — па пяць песень за адзін прысест, прычым чатыры ў выглядзе кліпаў, а адна — жыўцом у студыі. Гасцям прапануюць каву і каверзныя пытанні вядучыя — Люцыя Герашчанка, Арцеміс Ахпаш і «музычны шэф-повар» Максім Сокал.

За ўпадабаныя песні падчас кожнага эфіру можна галасаваць — і гэта бясплатна, а па выніках рэйтынгаў, якія публікуе сайт тэлеканала, найлепшыя выканаўцы змогуць трапіць у склад удзельнікаў гала-канцэрта «Песня года Беларусі», які традыцыйна праходзіць у Мінску ў канцы года.

Выбар рэдакцыі

Грамадства

«Догляд займае не больш за хвіліну». Як правяраюць наведвальнікаў перад уваходам у фан-зону?

«Догляд займае не больш за хвіліну». Як правяраюць наведвальнікаў перад уваходам у фан-зону?

Пералік рэчаў, забароненых да праносу, змешчаны на ўваходзе ў кантрольна-прапускны пункт.

Эканоміка

Што мы купляем праз інтэрнэт, і чаму айчынны гандаль у сеціве прайграе

Што мы купляем праз інтэрнэт, і чаму айчынны гандаль у сеціве прайграе

Электронны гандаль у нашай краіне працягвае расці. 

Грамадства

Мінчанка трымае ў аднапакаёвай кватэры жывога пітона

Мінчанка трымае ў аднапакаёвай кватэры жывога пітона

У Машы Афанасій жыве каля года. Такі незвычайны падарунак ёй зрабіў сябар.