Вы тут

На стадыёне «Дынама» выступіць гурт «Каста» і Святлана Лабада


Маштабны спартыўна-культурны фестываль «Brіght Fеstіvаl» адбудзецца 11 мая на Нацыянальным алімпійскім стадыёне «Дынама», ён будзе складацца з некалькіх блокаў. Ініцыятарамі фэсту сталі фонд «Дырэкцыя ІІ Еўрапейскіх гульняў 2019 года», ТАА «Джэт Фэст» і Беларускі дзяржаўны ўніверсітэт.


З 15.00 на аб'екце стартуюць розныя зоны актыўнасці, наведвальнікі змогуць выпрабаваць сябе на дзясятках інтэрактыўных пляцовак федэрацый па відах спорту, а таксама сустрэцца з вядомымі беларускімі спартсменамі. На стадыёне будуць прадстаўлены песенныя і танцавальныя батлы, конкурсы, фота-зоны, майстар-класы, фудкорт.

«Фестываль збярэ поўны стадыён «Дынама», для нас гэта стане добрым тэстам, у першую чаргу перад цырымоніямі адкрыцця і закрыцця ІІ Еўрапейскіх гульняў, мерапрыемства дазволіць зразумець, да чаго рыхтавацца, — расказвае намеснік дырэктара фонду «Дырэкцыя ІІ Еўрапейскіх гульняў 2019 года» Анатоль Котаў. — Першае адказнае мерапрыемства на стадыёне прайшло летась, гэта футбольны матч мінскага «Дынама» і піцерскага «Зеніта», але там была адмысловая катэгорыя гледачоў — футбольныя балельшчыкі, тут жа гледачы будуць розныя».

Арганізацыяй фестывалю займаецца кампанія «Джэт Фэст», у паслужным спісе якой арганізацыя найстарэйшага фестывалю краіны «Космас наш!» і «Рок за Баброў». У фэсце «Brіght Fеstіvаl» прымуць удзел самыя вядомыя беларускія выканаўцы, такія як J-Морс і «Ляпіс-98», а таксама папулярныя выканаўцы з суседніх краін, у ліку якіх Святлана Лабада і гурт «Каста», а хэдлайнер мерапрыемства пакуль трымаецца ў таямніцы.

«Для нас велізарны гонар быць часткай яркай каманды, — адзначае сузаснавальнік і дырэктар кампаніі «Джэт Фэст» Аляксандр Косач. — Нам хацелася б зрабіць гэты фестываль максімальна даступным для ўсіх слаёў насельніцтва, магчымасці стадыёна «Дынама» і ідэя дазваляюць. На свяце будуць задзейнічаны не толькі трыбуны стадыёна, але само ядро, на якое пакладуць спецыяльнае пакрыццё».

Білеты на фэст ужо паступілі ў продаж, за першыя тры дні іх было прададзена каля трох тысяч. Цяпер іх кошт складае 25 рублёў, невялікае павышэнне цэн запланавана пасля 20 сакавіка.

Дар'я ЛАБАЖЭВІЧ

Загаловак у газеце: Гульні збіраюць «зорак»

Выбар рэдакцыі

Культура

Як  мастак Май Данцыг ствараў свае карціны

Як мастак Май Данцыг ствараў свае карціны

Наватар, «шасцідзясятнік», ваяўнічы аптыміст — гэта ўсё пра яго.

Грамадства

Як ператварыць звычайны ўрок беларускай літаратуры ў творчую майстэрню?

Як ператварыць звычайны ўрок беларускай літаратуры ў творчую майстэрню?

Настаўнікі ўпэўнены: ці будуць вучні чытаць, у многім залежыць ад іх саміх. 

Эканоміка

Петришенко: Называть ЕАЭС экономическим союзом сегодня можно только авансом

Петришенко: Называть ЕАЭС экономическим союзом сегодня можно только авансом

Однако наша страна надеется, что это временные трудности.

Грамадства

Апублікаваны поўны тэкст Канцэпцыі інфармацыйнай бяспекі Беларусі

Апублікаваны поўны тэкст Канцэпцыі інфармацыйнай бяспекі Беларусі

Дзяржаўным органам і іншым арганізацыям даручана кіравацца палажэннямі канцэпцыі ў практычнай дзейнасці.