Вы тут

З 16 сакавіка можна паляваць на вальдшнэпа, а з 20 — на глушца і цецерука


З трэцяй суботы сакавіка (сёлета яна прыпадае на 16-е чысло) адкрываецца паляванне на самцоў вальдшнэпа, якое будзе доўжыцца па другую нядзелю мая (12-е чысло).


Паляваць можна ў перыяд з 18 да 22 гадзін ружэйным спосабам з засады (на цязе). Дазволена выкарыстоўваць гладкаствольную паляўнічую зброю і патроны са шротам. Для вышуку і падачы здабытай дзічыны дапускаецца мець паляўнічых сабак — тэр'ераў, такс, лягавых, спаніэляў, рэтрывераў, водных сабак.

З 20 сакавіка па 10 мая ў перыяд з 3 да 9 гадзін дазволена здабываць самцоў глушца і цецерука. Спосаб палявання — ружэйны на таках, з падыходу і з засады. Можна выкарыстоўваць наразную паляўнічую зброю з дульнай энергіяй кулі звыш 400 джоулей, гладкаствольную паляўнічую зброю з патронамі са шротам, паляўнічыя лукі і арбалеты пэўных параметраў. Пералік патронаў, якія забяспечваюць дульную энергію, і параметры лукаў і арбалетаў пазначаны ў Дадатку 2 да Правіл вядзення паляўнічай гаспадаркі і палявання, паведамілі ў Дзяржаўнай інспекцыі аховы жывёльнага і расліннага свету пры Прэзідэнце Рэспублікі Беларусь.

Сяргей РАСОЛЬКА

Выбар рэдакцыі

Грамадства

Як жывуць апошнія жыхары вёскі Вясневічы

Як жывуць апошнія жыхары вёскі Вясневічы

Галоўная славутасць Вясневічаў, яе жывая гісторыя — 96-гадовы Аляксей Юркевіч.

Культура

Наталля Батракова: Чытачы пішуць, што мае героі нібыта працуюць у суседнім офісе

Наталля Батракова: Чытачы пішуць, што мае героі нібыта працуюць у суседнім офісе

З Наталляй Батраковай мы сустрэліся на адкрыцці абноўленай кнігарні «Светач», што на сталічным праспекце Пераможцаў, 11. 

Калейдаскоп

Вясёлыя гісторыі чытачоў

Вясёлыя гісторыі чытачоў

Чакаем смешных гісторый і ад вас!