Вы тут

"Белгархімпрам" патрабуе больш за $150 млн доўгу за працы на ГАКу ў Гарлыку


ААТ "Белгархімпрам" патрабуе спагнаць з Туркменістана і дзяржаўнага канцэрна "Туркменхімія" запазычанасць у памеры больш за $150 млн за працы па будаўніцтве Гарлыкскага горна-абагачальнага камбіната. Адпаведныя патрабаванні былі заяўлены прадпрыемствам у студзені 2019 года ў ходзе арбiтражнага разбору пад эгідай Арбітражнага інстытута Гандлёвай палаты Стакгольма, паведамляе сайт "Белгархімпрама".


Як распавялі на беларускім прадпрыемстве, у сакавіку 2017 года Туркменістан прыняў Гарлыкскі горна-абагачальны камбінат у эксплуатацыю, прызнаўшы, што ён пабудаваны ў адпаведнасці з патрабаваннямі. Быў падпісаны акт дзяржаўнай прыёмачнай камісіі аб прыёмцы камбіната ў эксплуатацыю.

Умовамі кантракту прадугледжвалася эксплуатацыя камбіната туркменскім бокам пад наглядам спецыялістаў ААТ "Белгархімпрам". "Аднак туркменскі бок адмовіўся аплачваць выкананыя работы і не дапусціў беларускіх спецыялістаў да тэхнічнага суправаджэння работы камбіната. Па наяўнай інфармацыі, туркменскі бок спрабуе арганізаваць вытворчасць уласнымі сіламі, не маючы для гэтага неабходнага практычнага вопыту. Ёсць важкія падставы меркаваць, што камбінат эксплуатуецца неналежным чынам" , - адзначаецца ў паведамленні "Белгархімпрама".

Туркменістан таксама неправамерна перашкаджае вывазу з Туркменістана будаўнічай тэхнікі ААТ "Белгархімпрам", агульны кошт якой перавышае $7 млн.

"Белгархімпрам" расцэньвае падобныя дзеянні Туркменістана як тыя, што супярэчаць яго ж уласным інтарэсам. Пры правільнай эксплуатацыі Гарлыкскі горна-абагачальны камбінат здольны забяспечыць Туркменістану істотную долю на рэгіянальным рынку мінеральных угнаенняў. Памылкі ж у эксплуатацыі камбіната прыводзяць да таго, што рэалізуецца толькі малая доля яго патэнцыялу.

"Неаплата доўгу перад ААТ "Белгархімпрам" з'яўляецца чарговым прыкладам невыканання Туркменістанам сваіх дагаворных абавязацельстваў перад замежнымі партнёрамі. ААТ "Белгархімпрам" расчаравана тым, што яго намаганні, закліканыя дапамагчы Туркменістану стаць рэгіянальным лідарам па вытворчасці калійных угнаенняў, могуць быць разбураны ваўчкамі недальнабачных рашэнняў туркменскага боку", - дадалі на прадпрыемстве.

У цяперашні час спрэчка разглядаецца ў стакгольмскім арбітражы. Туркменістан адыгрываў актыўную ролю ў заключэнні і выкананні кантракту, і ўсе ключавыя рашэнні на працягу праекта прымаліся высокапастаўленымі туркменскімі чыноўнікамі. У лютым 2019 года праўленне Арбітражнага інстытута Гандлёвай палаты Стакгольма ўхваліла прыцягненне Туркменістана ў якасці дадатковага боку на дадзеным этапе арбітражнага разбору, і ААТ "Белгархімпрам" мае намер рашуча адстойваць свае патрабаванні.

Выбар рэдакцыі

Грамадства

Як жывуць апошнія жыхары вёскі Вясневічы

Як жывуць апошнія жыхары вёскі Вясневічы

Галоўная славутасць Вясневічаў, яе жывая гісторыя — 96-гадовы Аляксей Юркевіч.

Культура

Наталля Батракова: Чытачы пішуць, што мае героі нібыта працуюць у суседнім офісе

Наталля Батракова: Чытачы пішуць, што мае героі нібыта працуюць у суседнім офісе

З Наталляй Батраковай мы сустрэліся на адкрыцці абноўленай кнігарні «Светач», што на сталічным праспекце Пераможцаў, 11. 

Калейдаскоп

Вясёлыя гісторыі чытачоў

Вясёлыя гісторыі чытачоў

Чакаем смешных гісторый і ад вас!