Вы тут

Дню беларускага пісьменства неабходна надаць сучаснае гучанне


Пры правядзенні Дня беларускага пісьменства неабходна павысіць статус гэтага свята, надаць яму сучаснае гучанне, злучыць традыцыі з сучаснасцю, знайсці новыя формы і падыходы. Аб гэтым заявіў на пасяджэнні нацыянальнага аргкамітэта па падрыхтоўцы і правядзенні Дня беларускага пісьменства намеснік прэм'ер-міністра Ігар ПЕТРЫШЭНКА.


Лейтматывам свята сёлета мусяць стаць некалькі тэм: Год малой радзімы, 75-годдзе вызвалення Беларусі ад нямецка-фашысцкіх захопнікаў, а таксама юбілеі класікаў беларускай літаратуры. Таму, паводле слоў віцэ-прэм'ера, канцэртная праграма адкрыцця мерапрыемства павінна стаць «не проста чарадой выступленняў беларускіх зорак і аматарскіх калектываў, рэжысёрска-пастановачнай групе неабходна стварыць сапраўдны спектакль». Акрамя таго, арганізатары плануюць шырэй выкарыстоўваць магчымасці Нацыянальнай бібліятэкі Беларусі, стэнд якой павінен стаць адной з цэнтральных тэматычных пляцовак.

Нагадаем, сталіцай 26-га па ліку Дня беларускага пісьменства ў першую нядзелю верасня бягучага года стане Слонім, жыхары якога па традыцыі не толькі атрымаюць падарункі: новыя сацыяльна-культурныя аб'екты і помнікі архітэктуры, рэканструяваныя дамы і вуліцы, абноўленыя зоны адпачынку, але і самі возьмуць удзел у добраўпарадкаванні горада і падрыхтоўцы інфраструктуры да прыёму шматлікіх гасцей.

Вікторыя ЗАХАРАВА

Загаловак у газеце: Новы імпульс для традыцый

Выбар рэдакцыі

Калейдаскоп

Каля 150 спартсменаў-аматараў хочуць выступіць у «даеўрапейскіх гульнях»

Каля 150 спартсменаў-аматараў хочуць выступіць у «даеўрапейскіх гульнях»

Трэніроўкі і здымкі ўдзельнікаў пачнуцца ў красавіку.

Грамадства

Сувораўскае вучылішча вачыма яго навучэнцаў

Сувораўскае вучылішча вачыма яго навучэнцаў

Быць сувораўцам ва ўсе часы было прэстыжна. 

Культура

Харвацкі кінафестываль ZаgrеbDох даследуе рэгіён вялікім экранам

Харвацкі кінафестываль ZаgrеbDох даследуе рэгіён вялікім экранам

Балканскія краіны паўсталі перад гледачом з іх надзённым.