У Кітаі чакаецца адмоўны прырост насельніцтва

Аб гэтым сведчаць прагнозы навукоўцаў.

У Пекіне апублікаваны «Даклад аб пытаннях насельніцтва і працы ў Кітаі», згодна з якім у КНР чакаецца працяглая эпоха адмоўнага прыросту насельніцтва, перадае “Жэньмінь жыбаа” анлайн”.

Гэты даклад быў сумесна апублікаваны Інстытутам дэмаграфіі і эканомікі працы Акадэміі грамадскіх навук Кітая і Выдавецтвам грамадскіх навук Кітая. Па падліках, колькасць кітайскага насельніцтва да 2029 года дасягне піку ў 1,442 млрд чалавек, а з 2030 года ў КНР пачнецца працяглы адмоўны прырост, да 2050 года колькасць насельніцтва скароціцца да 1,364 млрд, да 2065 года - да 1,248 млрд, дасягне колькасці, якая была ў 1996 годзе.  Калі сумарны каэфіцыент нараджальнасці будзе захоўвацца на ўзроўні 1.6, негатыўны прырост насельніцтва наступіць у 2027 годзе, а да 2065 году колькасць знізіцца да 1,172 млрд, што будзе раўны колькасці насельніцтва ў 1990 годзе.

Адмоўны прырост кітайскага насельніцтва ўжо з'яўляецца незваротнай тэндэнцыяй, КНР неабходна вывучаць і развіваць адпаведныя палітычныя захады. У лістападзе 2013 года былі апублікаваныя «Рашэнні ЦК КПК па шэрагу найважнейшых пытанняў, якія тычацца ўсебаковага паглыблення рэформаў», згодна з якімі мужчынам, якія з'яўляюцца адзінымі дзецьмі ў сям'і, дазваляецца мець дваіх дзяцей.  У кастрычніку 2015 году Цэнтральны камітэт КПК прыняў рашэнне аб усебаковай рэалізацыі палітыкі «двух дзяцей».

Згодна з дакладам, нягледзячы на ​​тое, што прыняцце вышэйзгаданай палітыкі не прынесла жаданых вынікаў, эфект новых палітычных мер ўсё ж у наяўнасці.  Дзяржаўнае статыстычнае ўпраўленне КНР у адпаведнасці з выбарачнымі дадзенымі даследавання аб дэмаграфічных зменах у краіне адзначыла, што ў 2016 годзе колькасць другіх дзяцей значна павялічылася, а ў 2017 годзе іх колькасць дасягнула 8 млн. 830 тыс - на 1 млн. 620 тыс. больш у  параўнанні з 2016 годам.  Доля другіх дзяцей сярод нованароджаных склала 51.2%, што на 11 працэнтных пункта  больш, чым ў 2016 годзе.

Паводле падлікаў Сусветнага банка, сумарны каэфіцыент нараджальнасці ў Кітаі з 1996 года знаходзіцца на ўзроўні менш 1.6, толькі ў 2013 годзе зноў аднавіўся да 1.6, склаўшы 1.62 ў 2016 годзе.  Калі такая тэндэнцыя захаваецца, тады каэфіцыент нараджальнасці ў Кітаі зможа вярнуцца да адносна бяспечнага  ўзроўню.