80 гадоў таму найбуйнейшы ў нашай краіне тэатр – оперы і балету – сустрэў гледачоў прэм'ерай "Міхась Падгорны" і новенькім уласным будынкам. Спецыяльна да юбілейнай даты тэатр абвясціў для сваіх гледачоў творчы конкурс. Цягам тыдня неабходна было адпраўляць у любую сацыяльную сетку цікавыя здымкі з выявай будынка Вялікага тэатра і хэштэгамі #Дому_80 #БТБ_80 #Вялікаму_80.
Як паведаміла вядучы рэдактар аддзела інфармацыі тэатра Алена Балабановіч, пераможцамі конкурсу і ўладальнікамі запрашальнікаў на 2 асобы сталі Валерыя Захарава, Сяргей Панкавец і Ірына Папкова. Менавіта яны 26 сакавіка, напярэдадні Міжнароднага дня тэатра, змогуць трапіць на традыцыйны Вечар беларускай культуры, а таксама ўбачыць і пачуць нацыянальную беларускую оперу "Сівая легенда" Дзмітрыя Смольскага.
Вікторыя ЦЕЛЯШУК
Фота bolshoibelarus.by
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
