Вы тут

"Паляванне і рыбалоўства. Вясна – 2019" адкрыецца 21 сакавіка


Міжнародная спецыялізаваная выстава-кірмаш “Паляванне і рыбалоўства. Вясна – 2019” пройдзе з 21 па 24 сакавіка ў Футбольным манежы (г. Мінск, пр-т Пераможцаў, 20/2). У ёй прымуць удзел прадстаўнікі розных арганізацый, у тым ліку - сістэмы Міністэрства лясной гаспадаркі.


На працягу некалькіх дзён дзяржаўныя лесагаспадарчыя ўстановы прэзентуюць свае турыстычныя магчымасці. У прыватнасці, будзе арганізавана маштабная рэклама ўсіх відаў паслуг (паляўнічы і экалагічны турызм, вальернае паляванне, паслугі паляўнічых комплексаў і інш.), якія прапануюць лесапаляўнічыя гаспадаркі Мінлясгаса, прэзентавана дзейнасць інфармацыйна-турыстычнага цэнтра УП “Белдзяржпаляванне”.

Таксама наведвальнікі выставы змогуць набыць неабходны рыштунак для палявання і рыбалкі, пагутарыць з профільнымі спецыялістамі.

Арганізатары спецыялізаванай выставы падрыхтавалі для гасцей форуму і забаўляльную праграму. Так, у рамках правядзення мерапрыемства адбудзецца конкурс вабільшчыкаў высакароднага аленя, выстава паляўнічых трафеяў.

Не менш насычанай абяцае стаць і дзелавая праграма выставы. У дзень яе адкрыцця, 21 сакавіка, па ініцыятыве Міністэрства лясной гаспадаркі адбудзецца круглы стол на тэму “Вяснавое паляванне і яго рэгуляванне” (пачатак - у 15.30). Чакаецца, што ўдзел у ім возьмуць прадстаўнікі Дзяржаўнай інспекцыі аховы жывёльнага і расліннага свету пры Прэзідэнце Рэспублікі Беларусь, Міністэрства прыродных рэсурсаў і аховы навакольнага асяроддзя, Беларускага таварыства паляўнічых і рыбаловаў, НПЦ НАН Беларусі па біярэсурсах, ГА "Ахова птушак Бацькаўшчыны”.

22 сакавіка Міністэрства лясной гаспадаркі сумесна з зацікаўленымі правядзе наступныя семінары:

  • 11.00 - 12.00: “Перспектывы вальернага развядзення жывёл сямейства аленевых” (а таксама тэарэтычныя заняткі па правілах ацэнкі паляўнічых трафеяў);
  • 13.00 - 14.30: навучальны семінар па парадку і тэхналогіі вымання бабра, яго першаснай перапрацоўцы (кансервацыі) і здачы шкур нарыхтоўчым (перапрацоўчым) арганізацыям;
  • 16.00 - 17.00: “Планаванне вымання паляўнічых жывёл нармаваных відаў”.

Як дадалі ў прэс-службе Мінлясгаса, у рамках выставы будзе таксама арганізаваны продаж саджанцаў і розных дароў лесу: бярозавіку, мёду, лазневых венікаў і інш. Госці выставы змогуць набыць прадукцыю па зніжаных цэнах.

Сяргей РАСОЛЬКА

Выбар рэдакцыі

Культура

Больш за 100 літаратараў з усіх рэгіёнаў краіны возьмуць удзел у мерапрыемствах Дня беларускага пісьменства

Больш за 100 літаратараў з усіх рэгіёнаў краіны возьмуць удзел у мерапрыемствах Дня беларускага пісьменства

Свята, якое ўжо традыцыйна ладзіцца ў першую нядзелю верасня, сёлета прымае Слонім.

Грамадства

Як працуюць сядзелкі

Як працуюць сядзелкі

Попыт на сядзелак ці медсясцёр, якія могуць даглядаць цяжка хворых людзей на даму, пастаянна расце.

Культура

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Беларускаму складніку Тахелеса прысвечаны арт-фестываль «Міфалагема тысячагоддзя», што адкрыўся ў прасторы Ок16 15 жніўня.