Вы тут

Абласны конкурс лялечных тэатраў і батлеек пройдзе ў Сянно


У Сянно 22 сакавіка пройдзе пятае абласное свята-конкурс лялечных тэатраў і батлеек, паведамілі БЕЛТА ў Сенненскім райвыканкаме.


Штогадовая тэатральная падзея адбудзецца на сцэне раённага Цэнтра культуры і народнай творчасці. На працягу ўсяго дня спаборнічаць у сцэнічным майстэрстве будуць калектывы з 12 раёнаў Віцебскай вобласці агульнай колькасцю больш за 100 чалавек. На свяце яны пакажуць новыя пастаноўкі паводле вядомых народных казак. Уважлівымі і ўдзячнымі гледачамі традыцыйна стануць школьнікі і выхаванцы дзіцячых садоў райцэнтра і бліжэйшых населеных пунктаў.

Яшчэ адна добрая традыцыя свята - дабрачынная акцыя "Падарунак дзецям", у час якой творчыя калектывы вобласці дораць падарункі для выхаванцаў Сенненскай школы-інтэрната для дзяцей, якія засталіся без апекі бацькоў.

Арганізатары мерапрыемства - упраўленне культуры Віцебскага аблвыканкама, Віцебскі абласны метадычны цэнтр народнай творчасці і Сенненскі райвыканкам.

Выбар рэдакцыі

Культура

Больш за 100 літаратараў з усіх рэгіёнаў краіны возьмуць удзел у мерапрыемствах Дня беларускага пісьменства

Больш за 100 літаратараў з усіх рэгіёнаў краіны возьмуць удзел у мерапрыемствах Дня беларускага пісьменства

Свята, якое ўжо традыцыйна ладзіцца ў першую нядзелю верасня, сёлета прымае Слонім.

Грамадства

Як працуюць сядзелкі

Як працуюць сядзелкі

Попыт на сядзелак ці медсясцёр, якія могуць даглядаць цяжка хворых людзей на даму, пастаянна расце.

Культура

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Беларускаму складніку Тахелеса прысвечаны арт-фестываль «Міфалагема тысячагоддзя», што адкрыўся ў прасторы Ок16 15 жніўня.