Вы тут

Дырэкцыя Еўрагульняў падрыхтавала 3 тыс. білетаў для інвалідаў


Дырэкцыя ІІ Еўрапейскіх гульняў 2019 года падрыхтавала тры тысячы білетаў для людзей з дадатковымі патрэбамі. Іх кошт будзе складаць 10 працэнтаў ад намінальнага кошту білета.


Арганізатары прадугледзелі некалькі катэгорый месцаў для фізічна аслабленых асоб: для людзей у інвалідных калясках і тых, хто іх суправаджае (месцы будуць знаходзіцца максімальна блізка да праходаў), для інвалідаў па зроку (месцы будуць размяшчацца максімальна блізка да поля) і для людзей з праблемамі з апорна-рухальным апаратам. Каб набыць білет адной з гэтых груп, трэба падаць заяўку на сайт афіцыйнага білетнага аператара Гульняў (tісkеtрrо.bу), у якой неабходна ўказаць кантактныя даныя і назваць мерапрыемства, якое хоча наведаць чалавек з дадатковымі патрэбамі. На працягу 48 гадзін арганізатары звяжуцца з заяўнікам, пацвердзяць браніраванне і прызначаць час для таго, каб чалавек прыбыў у любую зручную касу па білет. Пры сабе неабходна мець арыгінал пашпарта і пасведчанне аб інваліднасці. У фондзе адзначаюць, што такая шматступеньчатая падача заяўкі прадугледжана, каб пазбегнуць спекуляцый.

"Чалавек з інваліднасцю з любога месца свету зможа далучыцца да гэтай унікальнай падзеі, Еўрапейскія гульні — гэта гульні для кожнага, — адзначае вядучы спецыяліст аддзела па рабоце са спонсарамі і білетнай праграмай упраўлення па маркетынгу, камерцыйных пытаннях і рэкламе фонду "Дырэкцыя ІІ Еўрапейскіх гульняў 2019 года" Алена Сацюк. — Мы, са свайго боку, будзем рабіць усё, каб людзі з дадатковымі патрэбамі маглі наведаць спаборніцтвы. Дырэкцыя пераняла найлепшы міжнародны вопыт для арганізацыі Гульняў для людзей з дадатковымі патрэбамі, да таго ж мы знаходзімся ў пастаянным кантакце з сацыяльнымі арганізацыямі Беларусі, каб забяспечыць максімальна камфортныя ўмовы".

Спартыўныя аб'екты, на якіх пройдуць Гульні, прайшлі і працягваюць праходзіць рэарганізацыю, каб забяспечыць безбар'ернае асяроддзе, на ўсіх іх прадугледжаны парковачныя месцы для інвалідаў.

Галоўнымі памочнікамі для людзей з аслабленымі фізічнымі магчымасцямі стануць валанцёры, дарэчы, яны праходзяць спецыяльнае навучанне ў адпаведных арганізацыях.

"Мы прыемна здзіўлены, што дырэкцыя Гульняў аддае столькі ўвагі інклюзіўнасці, — расказвае дырэктар Офіса па правах людзей з інваліднасцю Сяргей Драздоўскі. — Людзі, якія маюць дадатковыя патрэбы, шукаюць падтрымку ў першую чаргу менавіта ў валанцёраў, таму іх навучанне будзе складацца перш за ўсё з жывых зносін з людзьмі розных груп інваліднасці. Таксама мы падрыхтавалі друкаваныя матэрыялы, якія павінны спрасціць іх узаемадзеянне".

Дар'я Лабажэвіч

Выбар рэдакцыі

Культура

Дзяніс Раманюк: Я раблю этнаграфію «дваццаць пятым» кадрам

Дзяніс Раманюк: Я раблю этнаграфію «дваццаць пятым» кадрам

Пышныя альбомы, выдадзеныя Дзянісам Раманюком, з задавальненнем трымаюць у хатніх бібліятэках як беларусы, бо адчуваюць гонар за краіну, так і замежнікі, бо невядомую культуру даследуюць праз высакакласны кніжны твор.

Грамадства

Санны рэйд. Як партызаны здзейснілі пераможную аперацыю на Палессі ў 1942-м

Санны рэйд. Як партызаны здзейснілі пераможную аперацыю на Палессі ў 1942-м

Сёлетняя зіма на снег, скажам прама, зусім небагатая. Але ў лютым і сакавіку 1942 года, калі пра глабальнае пацяпленне ніхто і не чуў, снегу было вельмі шмат.

Спорт

Барэц Максім Нягода: Пасля кожнага медаля трэба пачынаць з нуля

Барэц Максім Нягода: Пасля кожнага медаля трэба пачынаць з нуля

Барысаўчанін са шматдзетнай сям'і стаў чэмпіёнам кантынента.

Культура

Хто спявае па-беларуску?

Хто спявае па-беларуску?

Адмысловы плэйліст “Звязды” да Дня роднай мовы.