Вы тут

Прэзідэнт Казахстана Нурсултан Назарбаеў сышоў у адстаўку


Прэзідэнт Казахстана Нурсултан Назарбаеў склаў паўнамоцтвы кіраўніка дзяржавы. Пра гэта ён абвясціў у прамым эфіры 19 сакавіка ў спецыяльным звароце да нацыі, паведамляе ВВС.


Фота: inozpress.kg

"Я прыняў рашэнне спыніць свае паўнамоцтвы ў якасці прэзідэнта. У гэтым годзе споўніцца 30 гадоў, як я займаю самы высокі пост. Народ даў мне магчымасць быць першым прэзідэнтам незалежнага Казахстана", - цытуе яго заяву "Інтэрфакс".

Часова выконваць абавязкі прэзідэнта краіны будзе спікер Сенату Касым-Жамарт Такаеў, дадаў Назарбаеў.

Сам Назарбаеў пасля адстаўкі ўзначаліць Савет бяспекі Казахстана. Гэтую пасаду ён зможа займаць пажыццёва. Адпаведны законапраект быў прыняты парламентам у маі 2018 года

Пакінуўшы пасаду прэзідэнта, Назарбаеў захавае за сабой тры важныя пасты. Закон аб савеце бяспекі дае яму як першаму прэзідэнту краіны і "лідару нацыі" права пажыццёва ўзначальваць савет бяспекі. Акрамя таго, ён застанецца на чале кіруючай партыі "Нур Атан", а таксама застанецца членам канстытуцыйнага савета.

"Гэта значыць застаюся з вамі. Клопаты краіны і народа застаюцца маімі клопатамі", - сказаў Назарбаеў.

Назарбаеў стаў прэзідэнтам у 1990 годзе. У красавіку 2015 года пераабраны на чарговы тэрмін з вынікам 97,7% галасоў. Яго паўнамоцтвы міналі ў красавіку наступнага года.

Цырымонія перадачы прэзідэнцкіх паўнамоцтваў адбудзецца ў сераду, 20 сакавіка, на сумесным пасяджэнні палат парламента.

У лютым Назарбаеў адправіў у адстаўку ўрад Казахстана, абвінаваціўшы міністраў у няздольнасці рэалізаваць пастаўленыя эканамічныя задачы.

Назарбаеў заняў пост прэзідэнта Казахскай СССР 24 красавіка 1990 года. Да гэтага ён займаў кіруючыя пасады ў рэспубліцы і ў цэнтральных органах КПСС.

"Вы ўсе гэтыя гады давяралі мне. Для мяне было шчасце служыць народу. Я схіляю галаву і дзякую. Каб выканаць запавет народа, я працаваў не пакладаючы рук", - заявіў Назарбаеў у сваім звароце.

Назарбаеў пяць разоў выйграваў прэзідэнцкія выбары. У 2007 годзе парламент Казахстана даў яму як першаму прэзідэнту права балатавацца неабмежаваную колькасць разоў. Чарговыя выбары павінны адбыцца ў 2020 годзе.

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.