Вы тут

Развіццё ЖКГ у кірунку Дырэктывы № 7


Таварыства абароны правоў спажыўцоў жыллёвых паслуг, прафатэстацыя камунальнікаў і іншае.

Прыняцце Дырэктывы № 7 «Аб удасканаленні і развіцці жыллёва-камунальнай гаспадаркі (ЖКГ) краіны» не азначае, што ўжо заўтра мы адчуем карэнныя змены ў гэтай сферы. Дырэктыва прысвечана сістэмнаму рашэнню пытанняў галіны, якія маюць прыярытэтнае значэнне, расказалі камунальнікі пра сучасную дзейнасць арганізацый ЖКГ.


— Сур'ёзны блок у дакуменце прысвечаны рабоце на папярэджанне прэтэнзій спажыўца на якасць паслуг. Тут прадугледжана як і далейшае ўдасканаленне і стварэнне камунікатыўнага элемента — службы 115, так і ўкараненне механізма грамадскага кантролю за работай службаў ЖКГ і публічнай справаздачы мясцовых органаў улады па плануемай або выкананай рабоце ў камунальнай сферы. Стварэнне таварыства абароны правоў спажыўцоў жыллёва-камунальных паслуг павінна паспрыяць наладжванню кантролю за якасцю, бо ад гэтага залежыць і здароўе чалавека, і яго дабрабыт, і стабільнасць пражывання, і стварэнне камфортных умоў, — зазначыў Генадзь АКСЦІЛОВІЧ, прэс-сакратар Міністэрства ЖКГ.

— Што датычыцца павышэння якасці паслуг, то тэхабслугоўванне, бягучы і капітальны рамонт, санітарнае ўтрыманне дапаможных памяшканняў, тэхабслугоўванне ліфтаў, абыходжанне з цвёрдымі камунальнымі адходамі (ЦКА), а таксама дадатковыя камунальныя паслугі мясцовыя органы ўлады павінны ажыццяўляць на канкурэнтнай аснове. Пералік паслуг застаецца адкрытым на выпадак узнікнення новых паслуг, якія зможа рабіць ЖКГ, — дадала Алена ДУДЗІНСКАЯ, памочнік міністра ЖКГ.

Дакумент забараняе мясцовым органам улады перадаваць на баланс ЖКГ няпрофільныя аб'екты пры адсутнасці фінансавання. З іншага боку, улады павінны забяспечыць крыніцы фінансавання мерапрыемстваў па капрамонце, мадэрнізацыі і рэканструкцыі інфраструктурных аб'ектаў ЖКГ: кацельных і цепласетак.

Яшчэ адзін раздзел Дырэктывы прысвечаны эфектыўнасці работы прадпрыемстваў ЖКГ. Упор робіцца на інавацыйныя тэхналогіі і фінансаванне і развіццё інфраструктурнай сферы камунальных аб'ектаў.

Асобны блок прысвечаны абыходжанню з цвёрдымі камунальнымі адходамі: паэтапнаму адыходу ад выкарыстання поліэтыленавай плёнкі і ўдасканаленню механізмаў збору і перапрацоўкі адходаў.

Кадравы патэнцыял галіны таксама закрануты ў Дырэктыве.

— Неабходна стварыць эфектыўную спецыялізаваную сістэму падрыхтоўкі кадраў вышэйшай навуковай кваліфікацыі для выканання даследаванняў і распрацовак у галіне ЖКГ. Падрыхтоўка кадраў павінна ажыццяўляцца праз прызму прафесіі будучага, — удакладніла Алена Дудзінская.

Ірына СІДАРОК

Выбар рэдакцыі

Культура

«Звязда» з'ездзіла на кінафестываль Żubrоffkа

«Звязда» з'ездзіла на кінафестываль Żubrоffkа

Раім вам у наступным годзе адправіцца туды самім.

Культура

Мастачка Алеся Скарабагатая: Няма мэты падабацца

Мастачка Алеся Скарабагатая: Няма мэты падабацца

Імя мастачкі гучыць усе пяць гадоў правядзення «Асенніх салонаў».

Спорт

Спартсмен Валерый Макарэвіч: Мара ў мяне адна — стаць прафесіяналам сваёй справы

Спартсмен Валерый Макарэвіч: Мара ў мяне адна — стаць прафесіяналам сваёй справы

Як варатар зборнай Беларусі па пляжным футболе сумяшчае гульню з роляй настаўніка і бацькі.  

Калейдаскоп

Вясёлыя гісторыі чытачоў

Вясёлыя гісторыі чытачоў

Языку дай волю..., Хвалі дзень вечарам, Людзі — добрыя.