Вы тут

На кінафестываль у Таронта адабраны беларускі фільм


Дакументаліста Андрэя Куцілы апошнім часам прыемна шмат. Не паспелі мы даведацца пра перамогу яго карціны Summa на кінафестывалі IDFA ў Амстэрдаме, апублікаваць інтэрв’ю з рэжысёрам і паглядзець той жа фільм на кінафоруме ZagrebDox у Харватыі, як маем нагоду паведаміць чарговую навіну. Карціна аўтара “Стрыптыз і вайна” афіцыйна адабраная ў конкурсную праграму прэстыжнага паўночнаамерыканскага кінафестывалю Hot Docs у Таронта.


Яна расказвае пра сумеснае жыццё ў адной кватэры дзядулі, падпалкоўніка авіяцыі ў адстаўцы, і ўнука-стрыптызёра. Пакуль дзядуля настаўляе піянераў, унук рэпеціруе эратычны танец, калі першы красуецца ў медалях, другі бярэ з сабой сэксуальны сцэнічны касцюм. Дзядуля жыве савецкімі ідэаламі, а ўнук далікатна ім супрацьстаіць.

Фільм, што спрабуе даследаваць, як у сучаснай Беларусі сумяшчаюцца ўплывы савецкай эпохі і натуральныя перамены незалежнага перыяду, здымаўся чатыры гады. Пошук фінансавання з аднаго боку замарудзіў працу над праектам, але ў той жа час дазволіў аўтарам убачыць важныя змены ў жыцці сваіх герояў.

“Стрыптыз і вайна” – напэўна, найцікавейшая работа аўтара і найважнейшая з пункту гледжання пошуку нашага калектыўнага свядомага.

На кінафестывалі ў Таронта, як пазначана на сайце Hot Docs, адбудзецца паўночнаамерыканская прэм’ера “Стрыптызу і вайны” – першы паказ прыпадае на 26 красавіка. Значыць, нам яшчэ давядзецца даведацца, дзе пройдзе менавіта сусветная прэм’ера карціны.

Ірэна КАЦЯЛОВІЧ

Выбар рэдакцыі

Культура

Дзяніс Раманюк: Я раблю этнаграфію «дваццаць пятым» кадрам

Дзяніс Раманюк: Я раблю этнаграфію «дваццаць пятым» кадрам

Пышныя альбомы, выдадзеныя Дзянісам Раманюком, з задавальненнем трымаюць у хатніх бібліятэках як беларусы, бо адчуваюць гонар за краіну, так і замежнікі, бо невядомую культуру даследуюць праз высакакласны кніжны твор.

Грамадства

Санны рэйд. Як партызаны здзейснілі пераможную аперацыю на Палессі ў 1942-м

Санны рэйд. Як партызаны здзейснілі пераможную аперацыю на Палессі ў 1942-м

Сёлетняя зіма на снег, скажам прама, зусім небагатая. Але ў лютым і сакавіку 1942 года, калі пра глабальнае пацяпленне ніхто і не чуў, снегу было вельмі шмат.

Спорт

Барэц Максім Нягода: Пасля кожнага медаля трэба пачынаць з нуля

Барэц Максім Нягода: Пасля кожнага медаля трэба пачынаць з нуля

Барысаўчанін са шматдзетнай сям'і стаў чэмпіёнам кантынента.

Культура

Хто спявае па-беларуску?

Хто спявае па-беларуску?

Адмысловы плэйліст “Звязды” да Дня роднай мовы.