Apple прадставіла новыя навушнікі AirPods

Кампанія Apple прадставіла другое пакаленне бесправадных навушнікаў AirPods, якія працуюць на адну гадзіну даўжэй у рэжыме размовы без падзарадкі. Пра гэта піша meduza.io.

Новыя AirPods упершыню падтрымліваюць функцыю галасавога кіравання "Прывітанне, Siri". У першым пакаленні навушнікаў Siri можна выклікаць падвойным дотыкам.

Навушнікі будуць даступныя як са стандартным, так і з новым бесправадным зарадным чахлом. Зарада кожнага з іх хопіць, каб падоўжыць працу AirPods больш чым на 24 гадзіны. Бесправадной зарадны чахол таксама можна набыць асобна.

Заказы на новыя AirPods пачалі прымаць на сайце Apple і ў дадатку Apple Store 20 сакавіка. У продажы навушнікі з'явяцца пазней.

• Навушнікі AirPods сталі ўжо трэцяй прыладай Apple, пра абнаўленне якой абвясціла кампанія за апошнія дні. 18 сакавіка Apple выпусціла дзве новыя мадэлі планшэтаў iPad mini 2019 і iPad Air, а 19 сакавіка - новыя 21,5- і 27-цалевыя камп'ютэры iMac.
• 25 сакавіка кампанія Apple правядзе прэзентацыю, на якой, як чакаецца, прадставіць сэрвіс для прагляду відэа па падпісцы і сэрвіс падпіскі на навіны.