Вы тут

Тайм-бот для сацыяльнай сеткі «УКантакце» распрацавалі студэнты БДУ


Унікальны тайм-бот для сацыяльнай сеткі «УКантакце» распрацавалі чацвёртакурснікі Інстытута бізнесу БДУ. Ідэя належыць Раману Шабановічу, а тэхнічная рэалізацыя — Андрэю Таўкіню.


Інфармацыя на тайм-бот паступае з сервера сайта Інстытута бізнесу БДУ. З дапамогай рэсурсу студэнты і выкладчыкі цяпер могуць аператыўна даведацца пра час заняткаў у любы дзень тыдня. Для гэтага ім дастаткова выбраць каманду «Расклад», увесці нумар групы, і тайм-бот паведаміць ім пра час, месца правядзення заняткаў, а таксама імя лектара. Акрамя таго, рэсурс змяшчае каманду «Выкладчык»: анлайн-памочнік можа паказаць графік любога выкладчыка па заяўленым прозвішчы. Таксама ў карыстальнікаў ёсць магчымасць падпісацца на рассылку абвестак.

Па дапамогу да рэсурсу штодня звяртаецца каля 500 студэнтаў Інстытута бізнесу БДУ. Паслугі віртуальнага памочніка абсалютна бясплатныя, неабходна толькі зарэгістравацца ў сацыяльнай сетцы «УКантакце». У перспектыве распрацоўшчыкі дапоўняць рэсурс новымі магчымасцямі. Таксама яны гатовы ўкараніць тайм-бот для студэнтаў іншых факультэтаў і вышэйшых навучальных устаноў.

У найбліжэйшы час плануецца наладзіць узаемадзеянне метадыстаў са студэнтамі напрамую. Гэта дазволіць аператыўна атрымліваць інфармацыю аб непрадбачаных зменах у раскладзе, а таксама падзеях і мерапрыемствах у БДУ.

Надзея НІКАЛАЕВА

Загаловак у газеце: Па расклад лекцый — у сацыяльную сетку

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.