Найбольш трагічны выпадак адбыўся ў Лідзе. Пасля таго як удалося адчыніць закрытыя знутры дзверы, у кватэры былі знойдзены целы двух мужчын. Таксама тут знаходзіліся пластыкавыя каністры, згодна з этыкеткамі — са шклоамывальнікам. Пры гэтым у адной частка вадкасці адсутнічала, а пустая пластыкавая ёмістасць, знойдзеная ў кватэры, утрымлівала рэзкі хімічны пах.
Літаральна на другі дзень ужо ў Іўеўскім раёне былі дастаўлены ў бальніцу двое мужчын, адзін з якіх у хуткім часе памёр. Аказалася, што яны выпілі тасол. Пры гэтым было ўстаноўлена, што напярэдадні яны разам з двума іншымі знаёмымі таксама ўжывалі гэтую тэхнічную вадкасць. У выніку — смерць аднаго з мужчын і бальнічны ложак для другога.
Па выпадках у Лідзе і Іўі праверку вядуць райаддзелы Следчага камітэта сумесна з органамі ўнутраных спраў, паведаміў афіцыйны прадстаўнік УСК па Гродзенскай вобласці Сяргей Шаршаневіч. Вядзецца апытанне родных і знаёмых атручаных. Прызначаны судова-медыцынскія экспертызы ў адносінах да памерлых і пацярпелага, а таксама судова-хімічныя экспертызы для высвятлення саставу вадкасці з двух месцаў здарэння.
Маргарыта УШКЕВІЧ
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
