Вы тут

У Італіі кіроўца школьнага аўтобуса падпаліў яго разам з дзецьмі


У наваколлі Мілана кіроўца скраў аўтобус, у якім было больш за 50 школьнікаў, пратараніў на ім некалькі паліцэйскіх машын, а затым падпаліў яго разам з дзецьмі ўнутры. Некаторых з іх ён перад гэтым звязаў, піша BBC News Україна.


Фота: Reuters

Па дадзеных італьянскай паліцыі, перад тым як падпаліць аўтобус, кіроўца сказаў дзецям: "Не выжыве ніхто". Аднак фактычна ахвяр не было: дзеці здолелі вызваліцца і выбрацца з аўтобуса праз заднія вокны, якія разбіла паліцыя.

Па дадзеных паліцыі, усяго ў выніку інцыдэнту 14 чалавек атруціліся дымам, але пагрозы іх жыццю няма.

"Гэта быў цуд. А магла б быць жудасная трагедыя", - цытуюць СМІ галоўнага пракурора Мілана Франчэска Грэка.

Кіроўца арыштаваны. Гэта 47-гадовы італьянец сенегальскага паходжання. Настаўнік, які знаходзіўся ў аўтобусе разам з дзецьмі, сказаў журналістам, што кіроўца часта выказваў незадаволенасць міграцыйнай палітыкай Італіі.

Некаторыя СМІ паведамляюць, што ён патрабаваў "спыніць гібель людзей у Міжземным моры".

У аўтобусе былі вучні двух класаў. Яны ехалі са школы ў горадзе Вайлаці-ды-Крэма ў спартзалу, але раптам аўтобус павярнуў не туды і накіраваўся па шашы ў бок міланскага аэрапорта.

Услед за гэтым кіроўца пачаў пагражаць пасажырам нажом. Адзін з школьнікаў патэлефанаваў бацькам, якія звярнуліся ў паліцыю.

Паліцыя паспрабавала перахапіць аўтобус, але на гэта сышло шмат часу. Кіроўца неаднаразова тараніў паліцэйскія машыны, але ў рэшце рэшт спыніўся.

Мясцовыя СМІ паведамляюць, што кіроўца паспеў абліць аўтобус бензінам і падпаліць. Але паліцыянты разбілі задняе шкло і пачалі дапамагаць пасажырам выбрацца да таго, як ён згарэў.

Пракуратура Мілана расследуе ўсе магчымыя версіі. У прыватнасці, яны не выключаюць, што гэта злачынства можна кваліфікаваць як акт тэрарызму.

Міністр унутраных спраў ад правай партыі Матэа Сальвініі выказаў незадаволенасць тым, што мужчыну даверылі кіраваць школьным аўтобусам, нягледзячы на тое што ў мінулым у яго былі затрыманні за кіраванне ў нецвярозым выглядзе.

Выбар рэдакцыі

Культура

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Беларускаму складніку Тахелеса прысвечаны арт-фестываль «Міфалагема тысячагоддзя», што адкрыўся ў прасторы Ок16 15 жніўня.

У свеце

Як развіваецца глабальнае супрацьстаянне ЗША і Кітая?

Як развіваецца глабальнае супрацьстаянне ЗША і Кітая?

Супярэчнасці ў адносінах паміж Вашынгтонам і Пекінам абвастраюцца, і іх можна смела называць гандлёвай вайной.

Грамадства

Якім павінен быць вучэбны дапаможнік у ХХІ стагоддзі?

Якім павінен быць вучэбны дапаможнік у ХХІ стагоддзі?

З 50 выданняў, якія павінны з'явіцца на школьных партах да 1 верасня, 48 ужо надрукаваныя.

Здароўе

Якія аперацыі беларускія афтальмолагі робяць пры катаракце, глаўкоме і іншых хваробах вачэй

Якія аперацыі беларускія афтальмолагі робяць пры катаракце, глаўкоме і іншых хваробах вачэй

Экзапратэзаванне арбіты не робіцца больш ні ў адной з краін СНД.