Супрацоўнікі крымінальнага вышуку Барысаўскага РУУС затрымалі 38-гадовага мужчыну, які падазраецца ў крадзяжы іншамаркі. Зламыснікам быў былы ўладальнік аўтамабіля.
Здзелка куплі-продажу старэнькай “Мазды” паміж двума барысаўчанамі адбылася ў лютым. За транспартны сродак ўладальнік прасіў 400 рублёў -- пакупнік гандлявацца не стаў.
У пачатку сакавіка барысаўчанін ў стане алкагольнага ап'янення ішоў па тэрыторыі гаражнага кааператыва ў райцэнтры. Там убачыў “Мазду”, якая нядаўна належыла яму. Падабраўшы ключ, ён запусціў рухавік і з'ехаў. Праўда, катаўся зламыснік не доўга, трапіў у ДТЗ і збег з месца здарэння, паведамляе прэс-служба МУС.
Пасля паведамлення сапраўднага ўладальніка аб крадзяжы іншамаркі аператыўнікі ў самыя кароткія тэрміны знайшлі падазраванага. Яго змясцілі ў ізалятар часовага ўтрымання і прызналі падазраваным па крымінальнай справе, заведзенай за крадзеж.
Сяргей РАСОЛЬКА
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
