“Яе справа” — фотавыстава пра беларусак, якія знайшлі сябе ў рэдкіх прафесіях. Іх выбіраюць нямногія з жанчын і застаюцца ў іх нямногія. З чым сутыкаецца чалавек, які абраў непапулярны шлях? Як узнагароджваецца прафесійны выбар, заснаваны на асабістых перавагах, імкненнях і здольнасцях, а не на чаканнях грамадства?
36 фатаграфій і асабістыя гісторыі перанясуць наведвальнікаў выставы на месца працы гераінь. Сярод іх прадстаўніцы такіх нехарактэрных для жанчын прафесій, як ствалавы падземны рабочы, ляснічы, электраманцёр, кіроўца-выпрабавальнік, мехатронік і іншыя.
Фотавыстава стала часткай праекту “Занятасць, прафесійная адукацыя і навучанне ў Беларусі”, які фінансуецца Еўрапейскім саюзам. Партнёры праекта — міністэрствы адукацыі, працы і сацыяльнай абароны, эканомікі і Рэспубліканскі інстытут прафесійнай адукацыі.
Урачыстае адкрыццё выставы адбудзецца 27 сакавіка ў 16.00. Месца правядзення — культурны цэнтр "Корпус", вуліца Машэрава 9, корпус 8. Мерапрыемства будзе доўжыцца да 10 красавіка.
Надзея НІКАЛАЕВА
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
