Навіны сталіцы

У мінскіх гатэлях расце колькасць замежных пастаяльяцаў. Па стану на пачатак гэтага года ў сталіцы функцыянавалі 45 гасцініц і сем гасцінічных комплексаў, паведамілі агенцтву «Мінск-Навіны» ў Галоўным статыстычным упраўленні Мінска. Летась тут спыніліся 584,2 тысячы замежных гасцей, з іх 367,3 тысячы — грамадзяне СНД. Найбольшая колькасць прыходзілася на жыхароў Расійскай Федэрацыі — 312,5 тыс., Кітая — 18,8 тыс., Германіі — 16,6 тыс., Літвы — 14,9 тыс., Польшчы — 13,8 тыс. Сярэдні кошт пражывання ў гатэлі беларускай сталіцы ў мінулым годзе склаў 94,2 рубля ў суткі (у 2017-м — 88 рублёў).

У Мінску плануецца змяніць сістэму работы з неэксплуатуемым аўтатранспартам. Пра гэта паведаміў на пасяджэнні рабочай групы па пытаннях утрымання і добраўпарадкавання тэрыторый сталіцы першы намеснік кіраўніка адміністрацыі Фрунзенскага раёна Дзяніс Драпей, перадае карэспандэнт БелТА. Новыя падыходы мяркуюць вызначэнне адзінага аператара, адказнага за вываз і захоўванне кінутых машын, таксама прадугледжана арганізацыя дзевяці парковак, на якія будзе эвакуіравацца аўтахлам.