За тыдзень да меркаванага выхаду Брытаніі з Еўрасаюза лёс Brexit і Злучанага каралеўства застаецца ў падвешаным стане, паведамляе ВВС. Лідары ЕС у чацвер пагадзіліся даць Брытаніі адтэрміноўку альбо да 22 мая, альбо толькі да 12 красавіка - у залежнасці ад таго, ці ўхваліць брытанскі парламент пагадненне аб выхадзе з ЕС. А гэта зусім не гарантавана.
Позна ўвечары ў чацвер, пасля шматгадзіннай дыскусіі, лідары 27 краін ЕС зацвердзілі праект рашэння, які да некаторай ступені - але не канчаткова - страхуе Брытанію і Еўрасаюз ад рэзкага разрыву без урэгуляваных адносін або прынамсі адкладае яго на некалькі тыдняў.
Лідары ЕС вырашылі, што калі на наступным тыдні брытанскі парламент ўсё-такі прыме двойчы адхілены ім праект пагаднення аб выхадзе з ЕС, то сам выхад будзе адкладзены да 22 мая.
Калі ж Палата абшчын зноў адхіліць праект пагаднення, то ў Брытаніі будзе час да 12 красавіка, каб вырашыць і паведаміць Еўрасаюзу, што яна збіраецца рабіць далей.
"Да гэтай даты ўсе варыянты будуць адкрыты і абвальны Brexit будзе адкладзены", - сказаў журналістам старшыня Еўрапейскага савета Дональд Туск.
"У гэты момант мы альбо выйдзем без пагаднення, альбо павінны будзем прапанаваць альтэрнатыўны план", - так апісала значэнне гэтай даты на сваёй, асобнай прэс-канферэнцыі прэм'ер-міністр Брытаніі Тэрэза Мэй.
12 красавіка стартуе кампанія па выбарах у Еўрапарламент, і Еўрасаюзу да гэтага моманту важна ведаць, ці застанецца Брытанія яшчэ надоўга - і прыме ўдзел у гэтых выбарах - ці ж усё-такі сыдзе.
Брытанія павінна была пакінуць Еўрасаюз 29 сакавіка. Аднак у сераду прэм'ер-міністр Брытаніі Тэрэза Мэй афіцыйна запытала ЕС аб адтэрміноўцы да 30 чэрвеня.
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
