Вы тут

"Белавія" адновіць палёты ў "Шарамеццева"


22 красавіка беларускі авіяперавозчык адновіць выкананне рэгулярных рэйсаў у маскоўскі аэрапорт "Шарамеццева".


Фота: russos.ru

Рэгулярныя авіязносіны будуць ажыццяўляцца штодня два разы на дзень: раніцай і ўвечары. Ранішні рэйс плануецца выконваць з вылетам з Мінска ў 8.30 і прыбыццём у аэрапорт "Шарамеццева" ў 9,50, а вячэрні рэйс — з вылетам з Нацыянальнага аэрапорта "Мінск" у 18.10 і прылётам у Маскву ў 19.30.

Зваротны ранішні рэйс з "Шарамеццева" плануецца ажыццяўляць з вылетам у 10.35, і прылётам у Мінск у 11.55, а вячэрні рэйс з Масквы з вылетам у 20.20 і прыбыццём у Нацыянальны аэрапорт "Мінск" у 21.40. Кошт квіткоў у адзін бок складзе ад 49 еўра, уключаючы таксы і зборы, і ад 83 еўра — туды-назад, паведаміла спецыяліст па сувязях з грамадскасцю ААТ "Авіякампанія "Белавія" Анастасія Навуменка.

У сілу тэхналагічных асаблівасцяў праходжання пашпартнага кантролю Міжнароднага аэрапорта "Шарамеццева" на пачатковым этапе палётаў прылёт рэйса плануецца ў тэрмінал F, а адпраўленне ў Мінск — з тэрміналу D.

Раней авіякампанія "Белавія" ўжо выконвала палёты ў маскоўскі аэрапорт "Шарамеццева", але ў рамках аптымізацыі раскладу палётаў рэйсы былі спыненыя 24 студзеня 2012 года.

Сяргей РАСОЛЬКА

Выбар рэдакцыі

Грамадства

Карэспандэнт «Звязды» высвятляла, чаму так цёмна на асветленых вуліцах Магілёва

Карэспандэнт «Звязды» высвятляла, чаму так цёмна на асветленых вуліцах Магілёва

Вечарам прайсціся ўздоўж цэнтральнай вуліцы Першамайскай у Магілёве адно задавальненне.

Спорт

Баскетбаліст Бенджамін-Павел Дуду: У Гане мяне называлі белым

Баскетбаліст Бенджамін-Павел Дуду: У Гане мяне называлі белым

Мама Бена — беларуска, тата — ураджэнец Ганы.

Эканоміка

Куды звяртацца, калі грамадзяніну затрымліваюць зарплату?

Куды звяртацца, калі грамадзяніну затрымліваюць зарплату?

Адказ на гэта і іншыя пытанні — у гутарцы з Дзмітрыем Шаўчуком.