Вы тут

Затраты на аказанне паслуг ЖКГ за апошнія тры гады знізіліся


Затраты на аказанне паслуг ЖКГ за апошнія тры гады знізіліся ў Беларусі больш як на Br450 млн. Пра гэта ў інтэрв'ю газеце "Рэспублiка" распавёў першы намеснік міністра жыллёва-камунальнай гаспадаркі Генадзь Трубіла, паведамляе БЕЛТА.


Першы намеснік міністра падкрэсліў, што асноўны акцэнт пры выкананні задачы зніжэння выдаткаў робіцца на механізм планава-разліковых цэн. "Летась у сферы ЖКГ атрымалася сэканоміць больш як Br83 млн. Усяго ж за апошнія тры гады выдаткі знізіліся больш як на Br450 млн. Шмат у чым так адбываецца дзякуючы ўкараненню механізму планава-разліковых цэн. Растлумачу: у 2015 годзе была ўкаранёна сістэма фінансавання строга рэгламентаваных затрат на аказанне паслуг водазабеспячэння, водаадвядзення (каналізацыі), цеплазабеспячэння і гарачага водазабеспячэння, тэхабслугоўвання, тэхабслугоўвання ліфта, абыходжання з цвёрдымі камунальнымі адходамі па планава-разліковым цэнах. Мінжылкамгас сістэматычна аналізуе выдаткі, у тым ліку на прадмет іх зніжэння, і "дыктуе" планава-разліковыя цэны. Гэта ў выніку стрымлівае тарыфы на жыллёва-камунальныя паслугі для канчатковага спажыўца. Акрамя таго, такое фінансаванне падагравала арганізацыі галіны жыць па сродках і быць максімальна зацікаўленымі ў скарачэнні сваіх затрат", - распавёў Генадзь Трубіла.

Пры гэтым ён дадаў, што рэзервы для эканоміі яшчэ ёсць, калі рупліва выкарыстоўваць паліўна-энергетычныя рэсурсы, павялічыць выкарыстанне мясцовых відаў паліва, памяншаць тэхналагічныя страты цеплавой энергіі і вады, а таксама за кошт аптымізацыі колькасці работнікаў, скарачэння накладных выдаткаў.

Выбар рэдакцыі

Рэгіёны

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Як мы бярозавік куплялі на гандлёвай пляцоўцы лясгаса і ў лясніцтве

Культура

Анатоль Ярмоленка: Нас натхняе беларуская паэтычная класіка

Анатоль Ярмоленка: Нас натхняе беларуская паэтычная класіка

Творчая вечарына народнага артыста Беларусі прайшла ў адной з мінскіх гімназій.