Вы тут

У Індыі створаць першы пілатуемы глыбакаводны даследчыцкі апарат


Індыя рыхтуецца да стварэння першага нацыянальнага пілатуемага падводнага апарата. Як паведамляе ТАСС са спасылкай на газету The Times of India, ён павінен быць гатовы праз тры гады. 


Фота indiatimes.com

Экіпаж будзе вывучаць падводны свет, шукаць раней невядомыя формы марскога жыцця, разведваць карысныя выкапні ў Індыйскім акіяне - разлічваюць спецыялісты Нацыянальнага інстытута акеанскіх тэхналогій (National Institute of Ocean Technology, NIOT) у Чэнані. Распрацоўка стане часткай праграмы індыйскіх улад "Глыбакаводная місія", мэта якой - стварэнне тэхналогій, што дапамогуць краіне ў пошуку рэсурсаў у акіяне. 

Плануецца, што экіпаж з трох чалавек будзе размяшчацца ў сферычным адсеку з тытану дыяметрам 3,2 метра і зможа апускацца на глыбіню да 6 тысяч метраў. 

Паколькі важныя сістэмы падводнай лабараторыі маюць шмат агульных рыс з касмічнымі апаратамі, інжынеры інстытута збіраюцца супрацоўнічаць з індыйскай Арганізацыяй касмічных даследаванняў (ISRO). Для працы над праектам Індыя гатова звярнуцца да іншых краін, якія маюць досвед стварэння і ўпраўлення глыбакаводнымі апаратамі. 

Выбар рэдакцыі

Рэгіёны

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Як мы бярозавік куплялі на гандлёвай пляцоўцы лясгаса і ў лясніцтве

Культура

Анатоль Ярмоленка: Нас натхняе беларуская паэтычная класіка

Анатоль Ярмоленка: Нас натхняе беларуская паэтычная класіка

Творчая вечарына народнага артыста Беларусі прайшла ў адной з мінскіх гімназій.