Вы тут

Адметная рыса PR-кветкі — камунікацыя ў супольнасцях


XII Міжнародны камунікацыйны форум "PR-кветка" пройдзе ў БДУ 27-29 сакавіка.


Яго арганізатарамі па традыцыі з'яўляюцца студэнты 3-га курса спецыяльнасці "інфармацыя і камунікацыя" журфака БДУ і выкладчыкі кафедры тэхналогій камунікацыі і сувязяў з грамадскасцю факультэта журналістыкі Беларускага дзяржаўнага ўніверсітэта. Суарганізатар - кансалтынгавая кампанія IPR Belarus.

Ужо ў дванаццаты раз форум стане пляцоўкай для абмену ідэямі і вопытам паміж прафесіяналамі ў сферы камунікацыі, студэнтамі, абітурыентамі і маладымі спецыялістамі з розных краін.

"Адметнай рысай сёлетняга форуму будзе акцэнт на камунікацыі ў розных супольнасцях. Адсюль крэатыўная канцэпцыя гэтага года - Дом камунікацыі", - падкрэслівае загадчыца кафедры тэхналогій камунікацыі і сувязяў з грамадскасцю факультэта журналістыкі БДУ Ірына СІДОРСКАЯ.

"Атмасфера і камфорт - гэта тое, што робіць Дом асаблівым і непаўторным. Менавіта людзі, узаемадзейнічаючы адзін з адным, іх ствараюць. Наладжаныя, камунікацыі - аснова кожнага дома. У гэтым годзе мы вырашылі сабраць усе яе віды пад адным дахам, каб разам з гасцямі палепшыць свае навыкі эфектыўнай камунікацыі. У гэтым нам дапамогуць запрошаныя спікеры - прафесіяналы ў галіне PR і рэкламы", - тлумачыць канцэпцыю форуму арганізатар, студэнтка трэцяга курса спецыяльнасці "інфармацыя і камунікацыя" Яна БАЗЫЛЕВА.

А ўдзельнікі конкурснай праграмы прапануюць свае рашэнні актуальных камунікацыйных задач, якія ацэніць прафесійнае журы. Падрабязная праграма даступная на сайце форуму: http://prkvetka.bsu.by

Стаць слухачом і ўдзельнікам усіх мерапрыемстваў форуму можна бясплатна, прайшоўшы рэгістрацыю па спасылцы https://vk.cc/96FiHg

Міжнародны адкрыты студэнцкі камунікацыйны форум “PR-кветка” - штогадовы праект, які традыцыйна ўключае конкурсную праграму па абароне камунікацыйных праектаў і майстар-класы ад экспертаў беларускага і замежнага рынкаў у сферы рэкламы і сувязяў з грамадскасцю.

Надзея НІКАЛАЕВА

Выбар рэдакцыі

Грамадства

Калі чалавек становіцца кнігай. Што такое «Жывая Бібліятэка»?

Калі чалавек становіцца кнігай. Што такое «Жывая Бібліятэка»?

Аповеды ў «Жывой Бібліятэцы» заўсёды запамінаюцца «чытачам», бо «кніга» — сам чалавек з непаўторным жыццёвым досведам, сваім ладам жыцця...

Грамадства

Якімі шляхамі будзе развівацца зялёная эканоміка?

Якімі шляхамі будзе развівацца зялёная эканоміка?

Элементы «азелянення» эканомікі ўключаюць у сябе электратранспарт, гарадскую мабільнасць, разумныя гарады, арганічную сельскую гаспадарку і экалагічны турызм.

Культура

Рэха «Славянскага базару»: чым запомніўся 28-ы па ліку мастацкі форум

Рэха «Славянскага базару»: чым запомніўся 28-ы па ліку мастацкі форум

За фестывальны тыдзень у Віцебску прайшло без малога дзве сотні падзей.