Вы тут

Анатоль Ліс: Утрыманню і эксплуатацыі вуліц і дарог - асаблівая ўвага


Такі акцэнт зрабіў старшыня Брэсцкага аблвыканкама Анатоль Ліс падчас прамой тэлефоннай лініі, якая прайшла ў фармаце відэаканферэнцыі з гар-, райвыканкамамі.


Фота brestcity.by

«Утрыманню і эксплуатацыі вуліц і дарог — асаблівая ўвага. Гэтай тэмы датычыцца значная колькасць зваротаў. Перш за ўсё, як і патрабуе Прэзідэнт, неабходна рабіць акцэнт не на колькасць выкананых работ, а на якасць рамонту, каб захоўваліся тэхналогіі. Пытанне сур'ёзнае, трэба ім займацца», — падкрэсліў Анатоль Ліс.

Сваю заклапочанасць станам дарог выказвалі жыхары Брэста, Пружанскага, Бярозаўскага, Брэсцкага раёнаў, паведамляе БелТА. У прыватнасці, жыхары абласнога цэнтра цікавіліся, які аб'ём рамонтных работ запланаваны на гэты год.

«Кобрынскі пуцеправод рэканструюецца з інфраструктурай вакол яго, будуецца Заходні абход з развязкамі. Вялікія аб'ёмы робяцца да тысячагоддзя, але гэтым мы не абмяжоўваемся. Работа будзе працягвацца. Па меры магчымасцяў будзем вуліцы рамантаваць, асфальтаваць», — адзначыў губернатар. Старшыня Брэсцкага гарвыканкама Аляксандр Рагачук дадаў, што сёлета заасфальтуюць 12 асноўных вуліц працягласцю каля 15 кіламетраў.

«Што датычыцца грунтавых дарог, летась перавялі сем вуліц у разрад асфальтабетоннага пакрыцця. Будзем работу працягваць, у тым ліку з удзелам грамадзян. Мы гатовы зрабіць так: бяром на сябе ўсе выдаткі, тэхналогіі, выкананне работ, а жыхары ўдзельнічаюць у нейкай долі пры набыцці асфальтабетону», — сказаў мэр.

Падчас прамой лініі берасцейцы праявілі асаблівую актыўнасць: з 29 званкоў палова паступіла ад жыхароў абласнога цэнтра. Прычым большасць грамадзян агучвалі пытанні не асабістага характару, а значныя для ўсяго горада. Адна з тых, хто патэлефанаваў, агучыла наступную праблему: у двары яе дома ёсць абсталяваная пляцоўка з кантэйнерамі для раздзельнага збору цвёрдых камунальных адходаў, аднак жыхары супраць заварвання смеццеправодаў.

«Прынята рашэнне адыходзіць ад убудаваных смеццеправодаў. Паціху і ў Брэсце ідзём такім шляхам. На жаль, часам грамадзяне не разумеюць, дзеля чаго гэта робіцца. Жыхары верхніх паверхаў не адчуваюць нязручнасцяў, аднак іх суседзі з ніжніх паверхаў сутыкаюцца з праблемамі антысанітарыі. Падкрэслю, у выніку мы адыдзем ад смеццеправодаў», — адказаў Анатоль Ліс.

Таксама на прамую лінію звярнуліся жыхары Пінска, Кобрынскага, Жабінкаўскага, Івацэвіцкага, Камянецкага раёнаў, былі званкі з Магілёўскай і Гродзенскай абласцей. Людзей цікавілі тэмы, якія датычацца жылля, ЖКГ, транспарту, землеўпарадкавання, добраўпарадкавання пахаванняў і помнікаў, развіцця прадпрымальніцтва. Асобныя пытанні старшыня аблвыканкама ўзяў на кантроль.

Загаловак у газеце: Акцэнт на якасць

Выбар рэдакцыі

Грамадства

Што трэба, каб пражыць даўжэй?

Што трэба, каб пражыць даўжэй?

Герыятр распавядае пра сакрэты доўгажыхароў і тое, што падаўжае наша жыццё.

Культура

«Беларусьфільм» паказаў свой найцікавейшы фільм за апошні час. Ён пра вайну

«Беларусьфільм» паказаў свой найцікавейшы фільм за апошні час. Ён пра вайну

«Як думаеш, а заўтра нехта пра нас успомніць?» — пытаецца на вялікім экране адзін ветэран у другога і атрымлівае абнадзейлівы адказ. 

Спорт

З агнём Еўрапейскіх гульняў карэспандэнт «Звязды» адправілася ў кар’еры

З агнём Еўрапейскіх гульняў карэспандэнт «Звязды» адправілася ў кар’еры

Сярод 450 шчасліўчыкаў, якім даверана несці факел з агнём ІІ Еўрапейскіх гульняў, аказалася наша Дар'я Лабажэвіч.

Грамадства

Будні сельскага ўрача

Будні сельскага ўрача

З якімі наступствамі аптымізацыі прыходзіцца яму сутыкацца падчас работы.