Першы Фестываль вулічных музыкантаў плануецца правесці ў Брэсце ў гонар 1000-годдзя горада, паведамляе БелТА.
Ініцыятыва належыць гарадскому моладзеваму грамадскаму аб'яднанню "Спадчына", у актыве якога арганізацыя такіх мерапрыемстваў, як Міжнародны форум вулічных тэатраў, Фестываль блізнят, Парад калясак. Форум вулічных музыкантаў прапаноўваецца правесці ў сярэдзіне мая на Брэсцкім вяслярным канале.
"На мой погляд, тут выдатная пляцоўка. Гэта месца ў пірса, дзе праходзяць урачыстыя адкрыцці розных спаборніцтваў. Наведвальнікі будуць глядзець на ўдзельнікаў як у амфітэатры", - адзначыў спецыяліст па сувязях з грамадскасцю абласнога цэнтра алімпійскага рэзерву па веславанні Алег Голас.
Цяпер ідзе прыём заявак ад вулічных музыкаў. Усім аматарам музыкі прапаноўваецца прыдумаць назву фэсту. Таксама арганізатары запрашаюць прадпрымальнікаў на ўзаемавыгадных умовах у якасці паўнавартасных партнёраў праекта.
У цэлым з нагоды 1000-годдзя Брэста на працягу года ў абласным цэнтры плануецца правесці каля тысячы рознафарматных мерапрыемстваў - фестываляў, конкурсаў, канцэртаў, канферэнцый, культурна-масавых і спартыўных мерапрыемстваў, акцый, выстаў, прэзентацый.
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
