Вы тут

10 тысяч беларускіх грамадзян атрымалі сацыяльныя паслугі


Аб гэтым расказаў намеснік міністра працы і сацыяльнай абароны Валерый КАВАЛЬКОЎ падчас выніковай канферэнцыі «Пераадольваючы межы: партнёрства для будучыні» ў рамках завяршэння восьмага этапу Праграмы падтрымкі Беларусі.


Ён расказаў, што выкарыстанне досведу іншых краін спрыяла развіццю ў Беларусі такога кірунку, як дзяржаўны сацыяльны заказ. Ён дазваляе прыцягнуць няўрадавыя арганізацыі да аказання паслуг тым беларусам, якія маюць патрэбу ў дадатковай абароне.

«Сістэма дзяржаўнага сацзаказу стартавала ў Беларусі пяць гадоў таму, — паведаміў Валерый Кавалькоў. — У 2014-м з'явіліся першыя дагаворы. Гэта мера дазваляе вырашаць складаныя сацыяльна значныя задачы шляхам пошуку новых паслуг і пашырэння колькасці арганізацый, якія могуць іх аказваць. За гэты час было заключана 280 дагавораў па аказанні паслуг дзяржаўнага сацыяльнага заказу. У першы год мы пачыналі з 34, і гэтая лічба пастаянна расце. Прасубсідавана больш за 500 ставак работнікаў недзяржаўных камерцыйных арганізацый, у выніку амаль 10 тысяч беларускіх грамадзян атрымалі сацыяльныя паслугі ў рамках сацыяльнага заказу».

«Падчас канферэнцыі былі прадэманстраваны вынікі рэалізацыі 22 праектаў у такіх напрамках, як «Сацыяльная сфера» і «Устойлівае рэгіянальнае развіццё», — расказаў каардынатар праграмы Дзмітрый КАРПІЕВІЧ. — Было адзначана шмат цікавых тэндэнцый: гэта і нацыянальныя праекты, і рэгіянальныя, і нават мясцовыя. Яны датычыліся сацыяльных інавацый, а гэта і выкананне сацыяльнага дзяржаўнага заказу, і праца з дэменцыяй, і развіццё сацыяльнага прадпрымальніцтва, і шэраг іншых тэм па ўстойлівым развіцці».

Усе праекты ў рамках гэтай праграмы накіраваны перш за ўсё на садзейнічанне рэгіянальнаму развіццю. Сярод іх можна назваць і стварэнне турыстычнага кластара ў Магілёўскай вобласці, і развіццё сеткавага ўзаемадзеяння паміж Гродзенскай і Гомельскай абласцямі, і ўкараненне энергаэфектыўных падыходаў і менеджменту на тэрыторыі трох раёнаў — Чавускага, Вілейскага і Веткаўскага, і шэраг іншы праектаў.

Праграма падтрымкі Беларусі «Пераадольваючы межы» рэалізуецца з 2002 года Дортмундскім міжнародным адукацыйным цэнтрам сумесна з Мінскім міжнародным адукацыйным цэнтрам імя Ёханеса Рау па даручэнні Федэральнага міністэрства эканамічнага супрацоўніцтва і развіцця (BMZ) і Германскага таварыства міжнароднага супрацоўніцтва (GІZ). Яна накіравана на падтрымку нямецка-беларускіх ініцыятыў, якія, маючы сваім адпраўным пунктам гуманітарныя адносіны, перараслі ў партнёрскую праектную працу. За восем этапаў праграмы рэалізавана больш за 270 праектаў. Сёлета запланаваны чарговы конкурс ініцыятыў, дзе асноўную ўвагу будуць аддаваць садзейнічанню рэалізацыі Нацыянальнай стратэгіі ўстойлівага развіцця Беларусі ў кантэксце глабальных мэт
Парадку-2030, прынятых ААН.

Наталля ТАЛІВІНСКАЯ

Загаловак у газеце: Падтрымаць ініцыятыву

Выбар рэдакцыі

Культура

Біблія на беларускай мове: «Галоўнае — абапірацца не на прыдуманыя ўяўленні, а на тысячагадовы вопыт набожных папярэднікаў»

Біблія на беларускай мове: «Галоўнае — абапірацца не на прыдуманыя ўяўленні, а на тысячагадовы вопыт набожных папярэднікаў»

 У 2019 годзе прэміяй «За духоўнае адраджэнне» былі адзначаны перакладчыкі Бібліі на беларускую мову.

Палітыка

Алег Іваноў: Наша супрацоўніцтва — вуліца з двухбаковым рухам

Алег Іваноў: Наша супрацоўніцтва — вуліца з двухбаковым рухам

У бягучым годзе стартуе рэалізацыя 28 інтэграцыйных праграм Саюзнай дзяржавы.

Грамадства

Чым прыцягвае гісторыя ваеннай авіяцыі бераставіцкіх аматараў тэхнічнай творчасці

Чым прыцягвае гісторыя ваеннай авіяцыі бераставіцкіх аматараў тэхнічнай творчасці

Ідэя стварыць гурток авіямадэлістаў у нейкім сэнсе звязана і з размяшчэннем побач з райцэнтрам былога ваеннага аэрадрома.

Грамадства

Інавацыі ў будаўнічай навуцы. Як стварыць тое, што ніхто дагэтуль не ствараў?

Інавацыі ў будаўнічай навуцы. Як стварыць тое, што ніхто дагэтуль не ствараў?

Будаўнічыя ідэі распрацоўваюцца ў лабараторыі аднаго брэсцкага вучонага.