Вы тут

10 беларускіх слоў, якіх вы маглі не ведаць


Свой, адметны чытач у газеты «Звязда». Ён жа, хочацца верыць, глядач тэлеканала «Беларусь 3» і ў прыватнасці праграмы «Размаўляем па-беларуску». Гэтая тэлевіктарына ўжо каторы год у эфіры і магла б выходзіць далей — у звычным фармаце. Аднак стваральнікі вырашылі ўдасканаліць яго (над чым і працуюць)...


А пакуль усе, хто цікавіцца мовай, шануюць яе і, магчыма, плануюць удзел у віктарыне, могуць праверыць сваё веданне з дапамогай «Звязды». Такім чынам

ці ведалі вы, што:

дыхтоўны — вельмі добры, высокай якасці;

зачаўраць — зачахнуць, змарнець;

кучма — 1) шапка футрам наверх, 2) пра пышныя, густыя валасы;

ліхвяр — той, хто бярэ вельмі высокія працэнты за пазычаныя грошы;

пярэрва — 1) прастора, якая раздзяляе якія-небудзь масівы; 2) часовы перапынак;

рэзгіны — прыстасаванне насіць сена, салому, зробленае з вяровачнай сеткі, нацягнутай на сагнутыя пруткі;

скуголіць — 1) жаласна выць, падвываць; 2) наракаць, скардзіцца, прасіць чаго-небудзь;

спагада — 1) спачуванне каму-небудзь, добразычлівыя адносіны да каго-небудзь; 2) літасць да каго-небудзь;

колькі змогі — вельмі хутка (бегчы, кідацца) (беларускія сінонімы: што моцы, як сілы, як моцы стае, як маеш (меў) моцы; рускі адпаведнік: что есть мочи (бежать);

хоцькі-няхоцькі — насуперак жаданню, незалежна ад старання (беларусы яшчэ скажуць: рады не рады, а мусіш, хочучы-няхочучы, хочаш не хочаш, а ногі намочыш, гніся не гніся (ды ў аглоблі станавіся); рускія: хочешь не хочешь).

Загаловак у газеце: Ліхвяры спагады не маюць

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.