Вы тут

Выдавецкі дом «Звязда» прыняў удзел у фестывалі пошты


У Гродне ён традыцыйны і праходзіць раз на квартал. Цяпер месцам правядзення стаў музей пошты, які нядаўна адкрыты ў Доме сувязі. На фестывалі рэспубліканскія і мясцовыя друкаваныя СМІ прадставілі свае выданні, рэкламную прадукцыю. Усе ахвотныя маглі аформіць падпіску і атрымаць падарунак.


Часцей за ўсё фестываль праходзіць у цэнтры горада — на плошчы Савецкай альбо каля Дома сувязі. Выязджаў фестываль і ў новы мікрараён Альшанка. Музей пошты ўпершыню прыняў прадстаўнікоў выдавецтваў і рэдакцый. Тыя, хто наведаў фестываль, маглі пазнаёміцца з гісторыяй паштовай сувязі на Гродзеншчыне. Тут прадстаўлены сотні экспанатаў, некаторыя з якіх захаваліся з ХІХ стагоддзя.

Па словах вядучага інжынера Гродзенскага філіяла РУП «Белпошта» Ігара Павайбы, ідэя задзейнічаць новы музей у мэтах фестывалю будзе мець працяг і надалей. Такое пажаданне выказалі і многія наведвальнікі. Дарэчы, некаторыя прыйшлі, пачуўшы музыку. Аб фестывалі інфармавалі і работнікі філіяла, якія сустракалі на ўваходзе. Прадстаўнікі Гродзенскага аддзялення «Белпошты» дапамагалі аформіць падпіску. Свае выданні, а іх даволі нямала, прадставіў Выдавецкі дом «Звязда». У падарунак падпісчыкі маглі атрымаць календары, блакноты, кубкі і нават бейсболкі з лагатыпам «Звязды».

Маргарыта УШКЕВІЧ, фота аўтара

Загаловак у газеце: Падпіска ў... музеі

Выбар рэдакцыі

Грамадства

Успаміны былой вязніцы пра Саласпілскі лагер смерці

Успаміны былой вязніцы пра Саласпілскі лагер смерці

Яна добра памятае той летні дзень. За акном сталі чутныя роў матацыклаў і нямецкая гаворка.

Грамадства

Першыя беларускія Соdе Сlub далучыліся да сусветнага руху

Першыя беларускія Соdе Сlub далучыліся да сусветнага руху

Як з дапамогай кода стварыць уласную анімацыю і «ажывіць» касмічны карабель? 

Грамадства

Як Віцебшчына развівае стасункі з Кітаем

Як Віцебшчына развівае стасункі з Кітаем

Наш карэспандэнт пастараўся згадаць самыя цікавыя прыклады сумеснай рэалізацыі праектаў.

Спорт

Анастасія Мірончык-Іванова: «Веру ў сябе і ў свае сілы»

Анастасія Мірончык-Іванова: «Веру ў сябе і ў свае сілы»

У спорце ёй двойчы прыходзілася пачынаць усё спачатку.