Усе платныя паркоўкі адкрытага тыпу (без шлагбаума) у Мінску перайшлі на новы рэжым работы, які будзе адзіным для летняга і зімовага сезона, паведаміў карэспандэнту БелТА намеснік дырэктара ДУ «Паркоўкі сталіцы» Яўген Рабец.
«Асноўная мэта змены графіка — павысіць даступнасць парковак. Новы рэжым работы прывязаны да працягласці працоўнага дня мінчан, паколькі пасля яго завяршэння парковачныя месцы і так вольныя», — растлумачыў Яўген Рабец. Плата за машына-месцы, абсталяваныя на вулічна-дарожнай сетцы, спаганяецца з панядзелка па пятніцу з 9.00 да 18.00, пры гэтым выхадныя дні — субота і нядзеля. Да снежня мінулага года адкрытыя платныя паркоўкі працавалі з 8.00 да 20.00, затым тэсціравалі новы круглагадовы графік працы, які канчаткова зацверджаны ў канцы сакавіка.
Па даных на 1 сакавіка гэтага года, асноўную частку бюджэту Мінска забяспечвае недзяржаўны сектар эканомікі. Пра гэта карэспандэнту агенцтва «Мінск-Навіны» паведамілі ў інспекцыі МПЗ па горадзе Мінску.
У структуры паступленняў па катэгорыях плацельшчыкаў традыцыйна лідзіруе недзяржаўны сектар эканомікі. Яго ўклад у казну — 75 % сродкаў, у тым ліку доля арганізацый недзяржаўнага сектара — 69,5%. На арганізацыі дзяржаўнага сектару прыходзіцца 25 % усіх паступленняў, індывідуальных прадпрымальнікаў — 2,8 %, фізічных асоб — 2,8 %, удакладнілі ў ІМПЗ. У Мінску зараз налічваецца больш як 130 тыс. суб'ектаў недзяржаўнага сектара эканомікі і амаль 2,6 тыс. суб'ектаў дзяржаўнага сектара.
На 1 сакавіка гэтыя плацельшчыкі ўнеслі ў бюджэт сродкі на суму 1391,1 мільёна рублёў і 481 мільён рублёў адпаведна, канстатавалі ў інспекцыі.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.