Вы тут

Парады для сапраўдных гаспадынь


Карысныя дробязі

Самаробны сродак

Прыбраць увесь бруд, які звычайна збіраецца каля дзвярных ручак, можна з дапамогай самаробнага сродку. Для яго прыгатавання спатрэбіцца: лыжка алею і дзве лыжкі соды. Змяшайце ўсё ў густую «кашу» і прыступайце да ўборкі. Такі сродак лепш за ўсё ўціраць у паверхні зубной шчоткай.

Выводзім плямы з дываноў

Калі не хочаце выкарыстоўваць спецыяльныя сродкі, можаце змяшаць звычайнае мыла з перакісам вадароду. Такі раствор адмые не толькі дываны, але і старыя плямы на матрацах і крэслах.

Памыць раздзелачную дошку

На раздзелачнай дошцы назапашваецца вельмі шмат мікробаў. Пазбавіцца ад іх дапамогуць лімон і соль. Насыпце соль на дошку, пакіньце на 15 хвілін, а затым патрыце палавінкай лімона. Вынік вас здзівіць!

Дапамагчы суставам вясной

Праблемы з суставамі нярэдка абвастраюцца вясной. Прычынай гэтага становяцца магчымыя пераахаладжэнні з-за змены надвор'я і аслабленая за зіму імунная сістэма.

1. Вага

Любое перавышэнне нормы адмоўна адбіваецца на суставах, бо павялічвае нагрузку на іх.

2. Нагрузкі

Для суставаў шкодная як празмерная фізічная актыўнасць, так і поўная яе адсутнасць. Залогам добрага самаадчування будуць штодзённыя заняткі хадой, бегам, плаваннем на працягу 40 хвілін.

3. Асаблівасці харчавання

Пажадана абмежаваць спажыванне мяса і павялічыць колькасць рыбы ў штодзённым рацыёне. Кожны дзень трэба з'ядаць не менш за 400 г гародніны і садавіны. Абавязкова выкарыстоўваць раслінныя алеі. Неабходны і кальцый, таму штодня трэба з'ядаць не менш за 30 г сыру, які змяшчае гэты мікраэлемент.

4. Пітны рэжым

Станчэнне храстковай праслойкі ў суставе можа адзначацца пры недастатковасці вільгаці ў арганізме. На кожны кілаграм вагі павінна прыходзіцца 20—30 мл вадкасці ў дзень. Але гэты аб'ём можа быць скарэктаваны ў залежнасці ад асаблівасцяў здароўя.

5. Алкаголь

У цэлым спірт не аказвае адмоўнага дзеяння на суставы. Але ўжыванне піва, віна і каньяку спрыяе выпрацоўцы мачавой кіслаты, якая негатыўна адбіваецца на суставах.

Міні-булачкі для посту

Батбуты — мараканскія міні-аладкі, пышныя і паветраныя ўнутры, чымсьці нагадваюць грэцкую піту, але ўсё ж адрозніваюцца памерам і спосабам прыгатавання.

Булачкі, прыгатаваныя па гэтым рэцэпце, можна выкарыстоўваць як аснову для бутэрбродаў і проста замест хлеба, а яшчэ яны падыходзяць для ўжывання
ў пост!

Спатрэбіцца: мука — 350 г, соль — 0,5—1 ч. л., вада — 250 мл, сухія дрожджы — 1 ч. л.

Дрожджы змяшаць з прасеянай мукой, дадаць соль (на смак), наліць цёплую ваду. Замясіць эластычнае цеста, якое не будзе ліпнуць да рук.

Раздзяліць цеста на дзве часткі, кожную з якіх раскатаць у пласт таўшчынёй прыкладна 4 мм. Шклянкай выразаць кружочкі. Выкласці іх на плоскую паверхню і пакінуць пад плёнкай 15—20 хвілін.

Выпякаюцца булачкі на сухой патэльні (без алею) на сярэднім агні. Гатуюцца яны хутка: толькі паспявай пераварочваць!

Сапраўдная знаходка для пікніка, фуршэту: проста робіцца збоку надрэзік і начыняецца! Розныя салаты, паштэты, сыры, соусы, варэнне, мёд — для начынкі падыдзе што заўгодна.

Выбар рэдакцыі

Спорт

«Людзі думаюць, што ўсёмагутныя і — разбіваюцца»

«Людзі думаюць, што ўсёмагутныя і — разбіваюцца»

Ці так небяспечны парашутны спорт, як здаецца на першы погляд?

Грамадства

Дзе знаходзяць падтрымку бацькі асаблівых малых?

Дзе знаходзяць падтрымку бацькі асаблівых малых?

Стаялі ў калідоры і ўспаміналі першыя крокі ў выхаванні сваіх асаблівых дзетак.

Культура

«Калі чалавецтва зноў паставіць перад сабой высокія пытанні, яно мяне ўспомніць»

«Калі чалавецтва зноў паставіць перад сабой высокія пытанні, яно мяне ўспомніць»

Пагутарылі з дачкой вядомага ўраджэнца Віцебска Лазара Хідэкеля.