Вы тут

Што адбылося за тыдзень у Савеце Рэспублікі


Беларускі саюз жанчын і Усекітайская федэрацыя жанчын падпішуць пагадненне аб супрацоўніцтве

Рэгіянальнае ўзаемадзеянне, парламенцкі дыялог, эканоміка, інвестыцыі і гуманітарны вектар — партнёрства Кітая і Беларусі ў разнастайных кірунках абмяркоўвалі намеснік старшыні Савета Рэспублікі, кіраўнік Беларускага саюза жанчын Мар'яна Шчоткіна і намеснік старшыні Пастаяннага камітэта Усекітайскага сходу народных прадстаўнікоў, старшыня Усекітайскай федэрацыі жанчын Шэнь Юэюэ.


Фота БЕЛТА

Мар'яна Шчоткіна адзначыла, што з 2016 года, калі Прэзідэнт Беларусі Аляксандр Лукашэнка і Старшыня КНР Сі Цзіньпін падпісалі сумесную дэкларацыю аб устанаўленні адносін давернага ўсебаковага стратэгічнага партнёрства і ўзаемавыгаднага супрацоўніцтва, пачалася новая эпоха адносін краін.

«Савет Рэспублікі — гэта палата тэрытарыяльнага прадстаўніцтва, і мы бачым яўныя перспектывы ў развіцця прамых кантактаў паміж рэгіёнамі Беларусі і Кітая. Ёсць ужо вельмі добры вопыт рэгіянальнага супрацоўніцтва. Гэта перш за ўсё правінцыі Гуандун, Хунань, Цзянсу, горад Чунцын. Такое ўзаемадзеянне дае рэальную аснову для развіцця супрацоўніцтва. І ў гэтым працэсе нашы міжпарламенцкія групы дружбы гатовыя актывізаваць усе працэсы ўзаемадзеяння паміж рэгіёнамі», — адзначыла Мар'яна Шчоткіна.

Асаблівыя сяброўскія адносіны ўсталяваліся не толькі паміж краінамі, але, па словах віцэ-спікера Савета Рэспублікі, паміж ёю і кітайскай калегай Шэнь Юэюэ.

Паводле слоў намесніка старшыні Пастаяннага камітэта Усекітайскага сходу народных прадстаўнікоў, двухбаковае партнёрства дынамічна развіваецца дзякуючы кіраўнікам краін і «зараз яны ўжо выйшлі на ўзровень узаемадавернага і ўсебаковага стратэгічнага партнёрства».

У аўторак кітайская дэлегацыя наведала Кітайска-беларускі індустрыяльны парк «Вялікі камень». Гэты праект — яскравы прыклад поўнамаштабнага двухбаковага супрацоўніцтва. Беларускі бок звярнуў увагу на неабходнасць прыцягнення ў індустрыяльны парк новых рэзідэнтаў і перадавых тэхналогій.

Дзве краіны гатовыя прыкладаць намаганні для рэалізацыі ўсіх дамоўленасцяў, якія былі дасягнуты раней.

Марыя ДАДАЛКА

Загаловак у газеце: У новай эпосе адносін

Выбар рэдакцыі

Грамадства

Успаміны былой вязніцы пра Саласпілскі лагер смерці

Успаміны былой вязніцы пра Саласпілскі лагер смерці

Яна добра памятае той летні дзень. За акном сталі чутныя роў матацыклаў і нямецкая гаворка.

Грамадства

Першыя беларускія Соdе Сlub далучыліся да сусветнага руху

Першыя беларускія Соdе Сlub далучыліся да сусветнага руху

Як з дапамогай кода стварыць уласную анімацыю і «ажывіць» касмічны карабель? 

Грамадства

Як Віцебшчына развівае стасункі з Кітаем

Як Віцебшчына развівае стасункі з Кітаем

Наш карэспандэнт пастараўся згадаць самыя цікавыя прыклады сумеснай рэалізацыі праектаў.

Спорт

Анастасія Мірончык-Іванова: «Веру ў сябе і ў свае сілы»

Анастасія Мірончык-Іванова: «Веру ў сябе і ў свае сілы»

У спорце ёй двойчы прыходзілася пачынаць усё спачатку.