Вы тут

CEI падтрымлівае імкненне Беларусі да міжрэгіянальнага супрацоўніцтва


Беларусь, як удзельніца самай старой у Еўропе рэгіянальнай арганізацыі, Цэнтральна-Еўрапейскай ініцыятывы, актыўна ўключаецца ў інтэграцыйны працэс і дэманструе, што з'яўляецца перспектыўным і надзейным партнёрам.


У 2017 годзе Беларусь старшынствавала ў ЦЕІ і гэта была гістарычная падзея, адзначыла на сустрэчы з генеральным сакратаром арганізацыі Раберта Антаніёне кіраўнік дэлегацыі Нацыянальнага сходу ў Парламенцкім вымярэнні ЦЕІ Ірына СТАРАВОЙТАВА. «Беларусь здольная прынесці новае ў развіццё рэгіёнаў. Асобую ролю ў развіцці ЦЕІ адыгрываюць парламенты: гэтае вымярэнне нараўне з бізнесам і ўзаемадзеяннем урадаў — самыя важныя «слупы» арганізацыі», — адзначыла яна.

Збліжэнне заканадаўстваў і ўкараненне найлепшых практык зробяць бізнес-клімат больш спрыяльным і ўмацуюць грамадзянскую супольнасць, таму дзяржавы — удзельнікі ЦЕІ павінны выпрацаваць кансалідаваныя рашэнні. Дзеля гэтага Беларусь гатовая прасоўваць розныя формы ўзаемадзеяння — і аднабаковыя, і шматбаковыя.

Вялікія перспектывы Ірына Старавойтава бачыць ва ўмацаванні міжрэгіянальнага ўзаемадзеяння: «Патэнцыял рэгіёнаў напоўніцу яшчэ не задзейнічаны».

Згадзіўся з тым, што менавіта з рэгіёнаў пачынаецца поспех, і генеральны сакратар ЦЕІ Раберта АНТАНІЁНЕ. Міжрэгіянальнае супрацоўніцтва падаецца найлепшым інструментам для знаёмства еўрапейскіх дзяржаў з беларускай сучаснай рэальнасцю.

Генсакратар высока адзначыў дзейнасць Беларусі ў якасці старшыні ЦЕІ ў 2017 годзе і таксама падкрэсліў, што парламент — сапраўды адна з «калон» ініцыятывы. Зараз распрацоўваюцца новыя формы супрацоўніцтва з Беларуссю і ўвогуле «Усходнім партнёрствам», а ніводная ідэя нежыццяздольная без адпаведнага заканадаўчага пацвярджэння.

У ЦЕІ вырашана наведаць ўсе 18 краін — удзельніц ініцыятывы і даведацца аб асаблівасцях, прапановах, імкненнях кожнай.У Беларусі Раберта Антаніёне бываў некалькі разоў і прызнаўся, што з часу яго першага візіту ў 2001 годзе тут вельмі шмат што змянілася да лепшага.

Варвара МАРОЗАВА

Загаловак у газеце: У нас шмат агульнага

Выбар рэдакцыі

Калейдаскоп

Вясёлыя гісторыі чытачоў

Вясёлыя гісторыі чытачоў

«А жанчына так і не прыйшла...», Заяц на чацвярых, Асаблівасці нацыянальнага палявання.

Грамадства

Вясковая робататэхніка

Вясковая робататэхніка

Як у вясковай школе з'явіўся SТEM-цэнтр.

Грамадства

Як адбываюць пакаранне асуджаныя да абмежавання волі «ў хатніх умовах»

Як адбываюць пакаранне асуджаныя да абмежавання волі «ў хатніх умовах»

«Хатняя хімія» — гэта турма, толькі на свабодзе», — з сарказмам кажуць самі асуджаныя пра абмежаванне волі без накіравання ў папраўчую ўстанову.