Вы тут

Лукашэнка даў свой прагноз па прэзідэнцкіх выбарах ва Украіне


Гэта адбылося падчас таго, як Прэзідэнт даваў інтэрв’ю найбуйнейшаму турэцкаму інфармацыйнаму агенцтву «Анадолу».


Аляксандр Лукашэнка і журналіст Алі Джура абмеркавалі сітуацыю ва Украіне, а таксама шляхі яе ўрэгулявання. Беларускі лідар ацаніў перамовы паміж бакамі, а таксама распавёў пра перспектывы ўдзелу нашай краіны ў вырашэнні сітуацыі.

Вядома, закранулі і прэзідэнцкія выбары ў гэтай краіне. Яшчэ падчас «Вялікай размовы з Прэзідэнтам» Аляксандр Лукашэнка спрагназаваў перамогу Пятра Парашэнкі. Ці змянілася яго пазіцыя цяпер?

«Пасля першага тура лідзіруе Зяленскі, Парашэнка ад яго адстае. Як скончыцца другі тур, ніхто не вырашыцца прадказаць, — падкрэсліў кіраўнік дзяржавы. — Я ўсё ж такі схільны думаць, што гэтыя прэзідэнцкія выбары выйграе Парашэнка. Я не буду тут займацца нейкай аналітыкай, не буду параўноўваць аднаго з іншым, таму што аднаго я вельмі добра ведаю, другога я наогул бачыў толькі ў кіно, я яго як палітыка не ведаю».

Беларускі лідар распавёў, што ў яго і прэзідэнта Украіны Пятра Парашэнкі быў агульны сябар — Міхаіл Саакашвілі. «Калі Саакашвілі праводзіў выбары, будучы прэзідэнтам, канстытуцыю памянялі, яшчэ нешта — пачалі жартамі займацца з народам. Да чаго гэта прывяло? Гэта прывяло да таго, што яму давялося пакінуць Грузію і хавацца ў іншых краінах», — нагадаў ён.

«Каб Парашэнку не давялося залазіць на дах і з даху там заклікаць да ўкраінцаў абараніць яго, ён зробіць усё, каб украінцы яго падтрымалі. Ён павінен зрабіць усё, каб яго народ падтрымаў», — падкрэсліў Прэзідэнт.

Сёння ва Украіне ёсць меркаванне, што галасаваць фактычна няма за каго, таму за Уладзіміра Зяленскага свае галасы аддаюць у якасці пратэсту. Што рабіць у такой сітуацыі? Кіраўнік дзяржавы расказаў:

«Няхай мяне прабачаць украінцы, але я хачу ім сказаць: калі няма за каго галасаваць, то і галасаваць не трэба. Навошта галасаваць за чалавека, у якім ты не ўпэўнены, бо ўкраінцы такі цяжкі палітычны шлях прайшлі за апошнія гады. Яны ўжо наеліся вось гэтых незразумелых абяцанняў, яны, шмат разоў рызыкуючы, верылі палітыкам і іх падтрымлівалі — і ўвесь час атрымлівалася наадварот. Апошнія гады вопыт ўкраінскага народа — сведчанне таго, што нельга рызыкаваць. Значыць, трэба ісці на паўторныя выбары. Калі ўжо не атрымліваецца, калі не за каго галасаваць, — значыць, паўторныя выбары. Мне здаецца, гэта лепш, чым у чарговы раз рызыкнуць, прагаласаваць, а потым горка каяцца 10 ці больш гадоў».

Уладзіслаў ЛУКАШЭВІЧ

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.