Вы тут

У Гродне пачнуць рыхтаваць фізікаў-праграмістаў


Як паведамляе прэс-служба Гродзенскага дзяржаўнага ўніверсітэта імя Янкі Купалы, сёлета ўпершыню на фізіка-тэхнічным факультэце будзе аб'яўлены набор на спецыяльнасць «Камп'ютарная фізіка». Каб у будучыні стаць фізікам-праграмістам, абітурыенту неабходна здаць цэнтралізаванае тэсціраванне па беларускай або рускай мове, фізіцы і матэматыцы.


Фота: pexels.com

Пасля чатырох гадоў навучання выпускнік атрымае кваліфікацыю «Фізік. Праграміст». Важным адрозненнем новай спецыяльнасці з'яўляецца фундаментальная падрыхтоўка па агульнай і тэарэтычнай фізіцы, а таксама вывучэнне электронікі, мікрапрацэсарнай тэхнікі, аўтаматызацыі і робататэхнікі. Гэта адкрывае магчымасці для працаўладкавання не толькі ў ІT-кампаніях, але і на сучасных высокатэхналагічных вытворчасцях.

Акрамя таго, сёлета ў ГрДУ імя Янкі Купалы будзе адноўлены набор па спецыяльнасці «Гісторыя (археалогія)» на факультэце гісторыі, камунікацыі і турызму. Выпускнік атрымае кваліфікацыю «Гісторык-археолаг. Выкладчык гісторыі і сацыяльна-гуманітарных дысцыплін». А на факультэце эканомікі і кіравання аднаўляецца набор на завочнае скарочанае навучанне па спецыяльнасці «Камерцыйная дзейнасць». Пасля заканчэння вучобы выпускніку прысвойваецца кваліфікацыя «Эканаміст».

Варта адзначыць, што ў 2019 у Гродзенскім дзяржаўным універсітэце ўпершыню будзе зроблены набор студэнтаў для навучання на завочнай (скарочанай) форме па спецыяльнасці «Транспартная лагістыка» (кірунак «Аўтамабільны транспарт») на факультэце інавацыйных тэхналогій машынабудавання. Выпускнікам будзе прысвойвацца кваліфікацыя «Інжынер-эканаміст. Лагіст».

Акрамя таго, у гэтым годзе абітурыенты, якія паступаюць на філалагічны факультэт па спецыяльнасці «Рамана-германская філалогія (нямецкая)», змогуць падаць сертыфікат ЦТ на выбар або па нямецкай, або па англійскай мове. Разам з сертыфікатам па замежных мовах выпускнік павінен падаць у прыёмную камісію сертыфікаты па беларускай або рускай мове, а таксама па гісторыі Беларусі. Падобныя новаўвядзенні чакаюць і тых, хто паступае на факультэт гісторыі, камунікацыі і турызму на спецыяльнасць «Лінгвістычнае забеспячэнне міжкультурных камунікацый», кірунак «Знешнеэканамічныя сувязі». Абітурыент можа падаць сертыфікат па англійскай або кітайскай мове на выбар, а таксама па беларускай або рускай мове і па гісторыі Беларусі.

Усяго сёлета ў ГрДУ імя Янкі Купалы на першай ступені вышэйшай адукацыі будзе ажыццяўляцца набор па 50 спецыяльнасцях.

Надзея НІКАЛАЕВА

Выбар рэдакцыі

Грамадства

АЭС у Астраўцы гатова да імітацыі работы ядзернага рэактара

АЭС у Астраўцы гатова да імітацыі работы ядзернага рэактара

Першы энергаблок Беларускай АЭС гатовы на 95 %, другі — на 70 %. 

Грамадства

У Мінску прайшоў фінал ІV Рэспубліканскага конкурсу «Сям'я года»

У Мінску прайшоў фінал ІV Рэспубліканскага конкурсу «Сям'я года»

Самыя актыўныя і пазітыўныя шматдзетныя сем'і з усіх абласцей краіны сабраліся ў сталічным Палацы культуры прафсаюзаў.

Грамадства

Фітнес-трэнер для матуль у дэкрэце Святлана Немірка распавядае пра сакрэты прафесіі

Фітнес-трэнер для матуль у дэкрэце Святлана Немірка распавядае пра сакрэты прафесіі

Актыўная мама — гэта не толькі трэнд, але і жыццёвая неабходнасць у сучасным свеце.

Грамадства

«Тата вернецца, калі ападуць усе лісцікі». Чаму сямейная падтрымка неацэнная для салдата

«Тата вернецца, калі ападуць усе лісцікі». Чаму сямейная падтрымка неацэнная для салдата

Трывалая сувязь з блізкімі і роднымі вельмі важная для чалавека, які служыць у войску.