Вы тут

У Мінску праходзіць ХХVІ Міжнародны форум «ТІБО-2019»


У Мінску праходзіць ХХVІ Міжнародны форум па інфармацыйна-камунікацыйных тэхналогіях «ТІБО-2019». Прывітанне яго ўдзельнікам і гасцям накіраваў Аляксандр Лукашэнка.


«Дзякуючы гэтым штогадовым сустрэчам Мінск стаў адной з самых значных пляцовак ва Усходняй Еўропе для прэзентацыі найноўшых дасягненняў у сферы інфармацыйна-камунікацыйных тэхналогій», — сказана ў прывітанні.

Паводле слоў беларускага лідара, менавіта на гэтым форуме дзясяткі кампаній з розных краін прадстаўляюць прагрэсіўныя распрацоўкі ў вобласці штучнага інтэлекту, інтэрнэту, воблачных тэхналогій, дапоўненай рэальнасці і мабільнай сувязі.

Кіраўнік дзяржавы нагадаў, што наша краіна зрабіла стаўку на лічбавізацыю сваёй эканомікі, што дазволіла ёй стаць лічбавым мостам паміж краінамі ЕС, Еўразійскага эканамічнага саюза і Азіяцка-Ціхаакіянскага рэгіёна. Важна, што айчынны Парк высокіх тэхналогій пастаянна прырастае новымі рэзідэнтамі, а моладзь усё часцей звязвае сваю будучыню з ІT-сферай.

Такім чынам, упэўнены Аляксандр Лукашэнка, абмен перадавым вопытам на форуме будзе садзейнічаць развіццю інавацыйных тэхналогій у Беларусі і за яе межамі.

На адкрыцці «ТІБО-2019» міністр сувязі і інфарматызацыі Канстанцін Шульган заявіў, што ў Беларусі неабходна сфарміраваць дакладную і канкрэтную стратэгію лічбавізацыі ўсіх галін і краіны ў цэлым.

На думку міністра, гэты форум закліканы ўнесці свой уклад у вырашэнне пастаўленых задач і фарміраванне разгорнутага плана дзеянняў па комплекснай лічбавай трансфармацыі.

Нагадаем, мерапрыемства будзе доўжыцца да 12 красавіка на пляцоўцы комплексу «Мінск-Арэна». Форум праходзіць штогод, у 2018 годзе яго наведвальнікамі сталі 27,5 тысячы чалавек.

Паводле БелТА

Фота Таццяны ТКАЧОВАЙ

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.