Атрымаць жыллё і палепшыць жыллёвыя ўмовы ў 2018 годзе змаглі 2,1 тысячы мінчан, якія стаяць на ўліку для паляпшэння жыллёвых умоў. Пра гэта карэспандэнту агенцтва «Мінск-Навіны» паведамілі ў галоўным статыстычным упраўленні горада Мінска. Сярод іх 600 маладых сем'яў, 600 шматдзетных сем'яў і 200 грамадзян (сем'яў), якія маюць права на атрыманне жылых памяшканняў сацыяльнага карыстання. Паводле статыстычных даных, на ўліку для паляпшэння жыллёвых умоў на канец 2018 года знаходзіліся 198,7 тысяч жыхароў сталіцы, што на 4,3 тысячы менш, чым на канец 2017 года.
Кожны спажывец сталіцы зараз выкарыстоўвае ў сярэднім 3,9 кубаметра вады ў месяц, у той час як у 2005 годзе гэты паказчык складаў 8 кубаметраў, паведаміў карэспандэнту агенцтва «Мінск-Навіны» начальнік цэнтра па разліках са спажыўцамі «Вадазбыт» УП «Мінскводаканал» Васіль Ананіч. «У дзень на чалавека прыходзіцца прыкладна 127 літраў — практычна як у Еўропе, — сказаў В. Ананіч. — Таму што людзі сталі па-гаспадарску ставіцца да каштоўнага прыроднага рэсурсу і ваду эканомяць. Гэтаму паспрыялі ў тым ліку ўстаноўка лічыльнікаў і павышэнне тарыфаў». Па словах В. Ананіча, у Мінску ўстаноўлена каля 1 млн 800 тыс. прыбораў уліку спажывання вады. Імі абсталявана 98 % жылога фонду і 89 % прыватнага сектара (15 тыс. домаўладанняў). Прыкладна адзін раз на 4-5 гадоў лічыльнікі праходзяць праверку на пацвярджэнне іх метралагічнай дакладнасці.
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».