Вы тут

У Мінскім планетарыі пройдуць канцэрты да Дня касманаўтыкі


Насычаную музычна-адукацыйную праграму прапануюць наведвальнікам у сталічным планетарыі — дарэчы, адзіным, які захаваўся ў Беларусі з часоў СССР.


Так, 11 красавіка тут адбудзецца першы з цыкла канцэртаў, прысвечаных першаму палёту чалавека ў космас. Сумесна з клубам «Імпровіз» узорнага эстраднага аркестра Мінскага дзяржаўнага палаца дзяцей і моладзі планетарый прадставіць канцэрт «Юрый Гагарын быў сапраўдным трубачом».

А ўвечары 12 красавіка ў «зорнай зале» пройдзе канцэрт эксперыментальнай музыкі, які будзе суправаджацца поўнакупальным візуальным шоу. Мультыінструменталіст і гукарэжысёр Сяргей FіllFree, гітарыст-наватар Яўген Зыковіч і lіve-loopіng музыкант Ілья Дзягель абяцаюць адлюстраваць у сваім выступленні асноўныя гістарычныя вехі развіцця астраноміі — ад старажытных друідаў, якія занатоўвалі месцазнаходжанне зорак, да першага выхаду чалавека ў космас і карцінак, якія можна ўбачыць сёння ў найсучаснейшыя тэлескопы. Паўнату віртуальнага касмічнага падарожжа забяспечаць таксама шэсць праектараў, якія будуць працаваць сінхронна і забяспечаць агляд на 360 градусаў; праекцыяй будзе кіраваць дырэктар планетарыя Аляксандр Мікуліч

Для сталічнага планетарыя, заўважым, гэта далёка не першая акцыя: праект жывой музыкі «Музыка і зоркі», зладжаны з улікам акустыкі і спецыфікі ўстановы, распачаўся яшчэ некалькі гадоў таму, і ў яго межах у «зорнай зале» збіраюць аншлагі канцэрты эксперыментальнай і класічнай музыкі. Акрамя таго, тут працуе адноўленая ў 2014 годзе абсерваторыя, рэгулярна праходзяць адукацыйныя лекцыі, майстар-класы і тэматычныя выстаўкі, дэманструюцца навукова-папулярныя фільмы пра космас і спецыяльныя сферычныя кінастужкі, арыентаваныя на розны ўзрост — ад самых маленькіх да дарослых гледачоў.

Вікторыя ЗАХАРАВА

Фота БЕЛТА

Выбар рэдакцыі

Грамадства

Запусцілі найноўшы спецыялiзаваны комплекс для падрыхтоўкi судовых экспертаў

Запусцілі найноўшы спецыялiзаваны комплекс для падрыхтоўкi судовых экспертаў

Дзяржаўнаму камiтэту судовых экспертыз споўнiлася сем гадоў.

Грамадства

Як захаваць сэрца i сасуды здаровымi

Як захаваць сэрца i сасуды здаровымi

Адным з самых распаўсюджаных захворванняў у свеце з'яўляецца артэрыяльная гiпертэнзiя.

Грамадства

Валанцёр праекта «Дапамога бяздомным»: Цяпло i падтрымка нават праз ежу перадаюцца

Валанцёр праекта «Дапамога бяздомным»: Цяпло i падтрымка нават праз ежу перадаюцца

Яны кормяць гарачымi абедамi больш за сто чалавек, якiя апынулiся на абочыне жыцця.

Грамадства

Чаму трэба праводзiць цеплавую мадэрнiзацыю?

Чаму трэба праводзiць цеплавую мадэрнiзацыю?

У распараджэннi, падпiсаным на мiнулым тыднi кiраўнiком дзяржавы, ёсць пункт, якi датычыцца капрамонту жыллёвага фонду.