Вы тут

Больш за 190 беларусаў атрымалі дзяржаўныя ўзнагароды


Прэм'ер-міністр Беларусі Сяргей РУМАС па даручэнні Прэзідэнта ўручыў дзяржузнагароды найлепшым прадстаўнікам розных сфер. Урачыстая цырымонія адбылася ў Палацы Рэспублікі.


Сярод узнагароджаных за шматгадовую плённую працу, высокі прафесіяналізм і ўзорнае выкананне службовых абавязкаў — аграрыі, медыкі, навукоўцы, будаўнікі, прадстаўнікі творчай інтэлігенцыі, прамысловасці, энергетыкі. «Кожны з вас зрабіў свой уклад у развіццё незалежнай і квітнеючай Беларусі», — адзначыў Сяргей Румас.

Кіраўнік урада звярнуў увагу, што сельская гаспадарка штогод фарміруе больш за сем працэнтаў ВУП і 15 % у агульным аб'ёме экспарту тавараў. Адзначаны заслугі будаўнікоў, якія ўзводзілі клінічны медыцынскі цэнтр у Ждановічах і займаліся рэканструкцыяй аўтамабільнага моста цераз Прыпяць у Жыткавіцкім раёне.

Сяргей Румас падкрэсліў, што за апошнія гады значных поспехаў дасягнула і авіякампанія «Белавія»; адзначыў ролю грамадскіх дзеячаў у развіцці ветэранскага руху, а таксама журналістаў — у фарміраванні ўспрымання свету грамадзянамі. «Дзяржава і надалей будзе падтрымліваць таленавітых і адораных творчых людзей, асабліва тых, хто праслаўляе нашу краіну і натхняе мільёны», — рэзюмаваў кіраўнік урада.

Фота БелТА

Загаловак у газеце: Пашана за працу

Выбар рэдакцыі

Грамадства

Першая дапамога дзецям пры траўмах. Што трэба ведаць?

Першая дапамога дзецям пры траўмах. Што трэба ведаць?

​Дастаткова часта дзецi трапляюць у крытычныя сiтуацыi праз сваю цiкаўнасць i павышаную актыўнасць.

Культура

Распавядаем, што паглядзець на сёлетнім «Славянскiм базары ў Вiцебску»

Распавядаем, што паглядзець на сёлетнім «Славянскiм базары ў Вiцебску»

Сёлета ён пройдзе ўпершыню выключна пад адкрытым небам.

Культура

На якія раскопкі чакаюць валанцёраў?

На якія раскопкі чакаюць валанцёраў?

Увесь лiпень працуе археалагiчны летнiк «Наўры-2020».