Вы тут

Будаўніцтва анкалагічнага цэнтра ў Гродне распачнецца ўжо сёлета


Пытанне, якое датычыцца анкалагічнага цэнтра, паступіла ад гродзенца Юрыя Куляшова падчас акцыі, прымеркаванай да «Вялікай размовы з Прэзідэнтам». Жыхар абласнога цэнтра нагадаў аб тым, што гродзенскі рэгіён — адзіны ў краіне, дзе няма свайго анкадыспансера. І пацікавіўся: калі пачнецца яго будаўніцтва?


Патрэба ў такой установе сапраўды даўно наспела, адзначылі ў абласным упраўленні аховы здароўя. У Гродзенскай вобласці на ўліку стаіць каля 30 тысяч анкахворых, якія вымушаны ездзіць у Брэст альбо ў Мінск.

Захады па стварэнні такога цэнтра ў Гродне рабіліся неаднаразова. На жаль, не спраўдзіліся спадзяванні па рэалізацыі дзяржаўна-прыватнага партнёрства. Праблема будзе вырашацца паступова.

Падрыхтавана праектная дакументацыя, вызначаны крыніцы фінансавання. На гэтыя мэты будуць накіраваны і сродкі дзяржаўнай інвестпраграмы. Стаіць задача ўвесці аб'ект у эксплуатацыю ў максімальна кароткі тэрмін. Па словах намесніка начальніка аховы здароўя Гродзенскага аблвыканкама Наталлі Антановіч, неабходная база створана, ёсць вопытныя спецыялісты, якія змогуць выкарыстоўваць найноўшую методыку лячэння на самым сучасным абсталяванні. Новыя тэхналогіі дазволяць удасканаліць работу па раннім выяўленні анказахворванняў і своечасова аказваць патрэбную дапамогу. Плануецца, што тут будзе працаваць каля тысячы работнікаў.

Сёлета, згодна з інвестыцыйнай праграмай, будзе выдзелена 10 мільёнаў рублёў на пачатак работ. Паралельна плануецца адкрыццё крэдытнай лініі з арабскімі інвестарамі. Мяркуецца, што на ўвесь аб'ект, які размесціцца на базе клінічнай бальніцы № 3, спатрэбіцца каля 100 мільёнаў долараў, палова з якіх — гэта кошт абсталявання. Работы будуць весціся ў некалькі этапаў і разлічаны да 2020 года.

Адразу плануецца пачаць будаўніцтва радыелагічнага корпуса. Другая чарга — гэта аперацыйны блок і сяміпавярховы лячэбны корпус. Затым пачнецца рэканструкцыя будынкаў існуючай бальніцы пад палатныя аддзяленні. У адным з такіх карпусоў размесціцца паліклініка на 300 наведванняў у змену. Побач з ёй будзе пабудаваны пансіянат і блок клінічных кафедраў з вучэбнымі памяшканнямі і залай на 150 месцаў. Агульная плошча аб'екта будзе дасягаць 9 гектараў.

Маргарыта Ушкевіч

Загаловак у газеце: Аб'ект найважнейшага прызначэння

Выбар рэдакцыі

Грамадства

Як вайскоўцы на захопленым нямецкім аўтамабілі прарываліся да партызанаў і выратавалі людзей ад расстрэлу

Як вайскоўцы на захопленым нямецкім аўтамабілі прарываліся да партызанаў і выратавалі людзей ад расстрэлу

Наш даўні сябар — жыхар Вялікай Бераставіцы — Міхаіл Маскальчук даслаў нам чарговы цікавы аповед, які быў запісаны са слоў бацькі Міхаіла, Васіля Маскальчука.

Грамадства

Камфортнае жыллё і спрыяльнае асяроддзе. Аднайменная дзяржпраграма дазволіць павысіць якасць камунальных паслуг і наблізіць да Мэты-99

Камфортнае жыллё і спрыяльнае асяроддзе. Аднайменная дзяржпраграма дазволіць павысіць якасць камунальных паслуг і наблізіць да Мэты-99

Днямі аб праекце профільнай дзяржпраграмы журналістам падчас прэс-прэзентацыі расказаў міністр жыллёва-камунальнай гаспадаркі Андрэй Хмель.

Эканоміка

Якія асноўныя паказчыкі і параметры закладвае Магілёўшчына ў сваю рэгіянальную праграму развіцця?

Якія асноўныя паказчыкі і параметры закладвае Магілёўшчына ў сваю рэгіянальную праграму развіцця?

Пра гэта ў нашай гутарцы з намеснікам старшыні Магілёўскага аблвыканкама Русланам Страхаром.

Эканоміка

Разбіраем інвестпраграму Мінска на бягучы год

Разбіраем інвестпраграму Мінска на бягучы год

Яна ў гэтым годзе на 20 % «таннейшая», чым у папярэднім.