Дэпутаты Кармянскага райсавета, што на Гомельшчыне, высадзілі рабінавую алею і навялі парадак каля крынічкі.
У рамках месячніка па добраўпарадкаванні дэпутаты раённага Савета арганізавалі адразу дзве акцыі, піша «Зара над Сожам».
Першая звязана з азеляненнем. Каля новага гандлёвага аб'екта «Санта» з'явілася рабінавая алея. Народныя абраннікі не толькі пасадзілі дрэўцы, але і ўмацавалі калкі і падвязалі саджанцы. Зараз задача кожнага жыхара гарпасёлка паклапаціцца аб тым, каб захаваць маладыя рабінкі.
Другая — навядзенне парадку. Ужо стала добрай традыцыяй кожную вясну добраўпарадкоўваць тэрыторыю вакол крынічкі, што на Куракоўшчыне. Гэтым разам дэпутаты райсавета таксама актыўна папрацавалі, прывёўшы ў парадак такое важнае для тутэйшых жыхароў месца.
Сітуацыя будзе толькі пагаршацца.
Канцэрт для дзяцей і моладзі, пластычны спектакль Ягора Дружыніна і «Рок-панарама».