Вы тут

10 беларускіх слоў, якіх вы маглі не ведаць


Свой, адметны чытач у газеты «Звязда». Ён жа, хочацца верыць, глядач тэлеканала «Беларусь 3» і ў прыватнасці праграмы «Размаўляем па-беларуску». Гэтая тэлевіктарына ўжо каторы год у эфіры і магла б выходзіць далей — у звычным фармаце. Аднак стваральнікі вырашылі ўдасканаліць яго (над чым і працуюць)...


А пакуль усе, хто цікавіцца мовай, шануе яе і, магчыма, плануе ўдзел у віктарыне, могуць праверыць сваё веданне з дапамогай «Звязды». Такім чынам, ці ведалі вы, што:

  • азызлы — 1) хваравіта тоўсты, апухлы, 2) азяблы, настылы;
  • апекавацца — (над кім-чым) клапаціцца пра каго-, што-небудзь, накіроўваць дзеянні, ахоўваць чые-небудзь інтарэсы;
  • весніцы — вароты ў двор або з двара ў агарод, у поле;
  • веснічкі — вузкія дзверцы ў плоце;
  • джгаць — 1) кусаць, раніць джалам (пра насякомых); кусаць (пра змей); 2) хутка ісці, бегчы, імчацца;
  • прылітаваць — прыпаяць;
  • раскоўзаць — 1) яздой або катаннем зрабіць слізкім; 2) размяць, расцерці, раскідаць, размазаць (нагамі, целам);
  • спляжыць — вынішчыць, высечы, разбурыць, зруйнаваць, сапсаваць што-небудзь;
  • цыбаты — 1) высокі і тонкі; 2) доўгі і тонкі;
  • ятроўка — жонка аднаго брата ў адносінах да жонкі другога брата.

Выбар рэдакцыі

Эканоміка

Як абараняцца ад рыэлтараў, якія не хочуць працаваць па законе

Як абараняцца ад рыэлтараў, якія не хочуць працаваць па законе

Лiцэнзiя агенцтва «Гатовыя рашэннi» скасавана, «Iмперыi нерухомасцi» — прыпынена, а «Тваёй сталiцы» выпiсана прадпiсанне.

Палітыка

Аляксандр Лукашэнка: Гэта адна з самых складаных выбарчых кампаній

Аляксандр Лукашэнка: Гэта адна з самых складаных выбарчых кампаній

Кіраўнік дзяржавы прагаласаваў на выбарах Прэзідэнта.

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.