У вёсцы Пустынкі Мсціслаўскага раёна, што на Магілёўшчыне, БРСМ адкрывае чарговы сезон рэспубліканскага міжканфесіянальнага дабрачыннага праекта «Аднаўленне святынь. Крыніцы Беларусі».
Цэнтрам увагі моладзі на гэты раз стаў Пустынскі Свята-Успенскі мужчынскі манастыр і адна з трох яго гаючых крыніц — Ефрасіннеўская. Плануецца ачысціць тэрыторыю манастыра і прылеглыя да яго землі ад апалай лістоты і сухастою, закласці сад з 75 пладовых дрэў і паставіць лаўкі. Што датычыцца крыніцы, то ёсць жаданне рэканструяваць лесвіцу, якая вядзе да яе, і зрабіць над святым калодзежам навес. А каб людзям было зручна браць з яго ваду, плануецца ўладкаваць каптажную камеру.
Нагадаем, што рэспубліканская акцыя «Аднаўленне святынь Беларусі» рэалізуецца ў краіне з 2013 года. За гэты час добраахвотнікі БРСМ добраўпарадкавалі каля 1355 культавых аб'ектаў. У Год малой радзімы вырашана зрабіць акцэнт на водных крыніцах.
Нэлі ЗІГУЛЯ
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.