Вы тут

Фестываль «PROдвижение кнігі. Бібліятэчныя прыступкі» пройдзе 13 красавіка


Літаратурны парад казачных герояў, знаёмствы з сучаснымі пісьменнікамі, музыка з кінафільмаў, знятых па кнігах, і інтэрактыўныя падарожжы па старонках. Усё гэта і шмат чаго іншага чакае ў суботу 13 красавіка гасцей Міжрэгіянальнага фестывалю «PROдвижение кнігі. Бібліятэчныя прыступкі», які адбудзецца ў пасёлку Карэлічы, што на Гродзеншчыне.


— Мэта фестывалю — падтрымка цікаўнасці да кнігі і прапаганда чытання як культурнага працэсу, — кажа Лілія АРЦЮХ, дырэктар Карэліцкай раённай бібліятэкі. — Мы хочам пазнаёміць чытача з беларускімі пісьменнікамі і выдавецтвамі. А для нас як бібліятэкараў гэта яшчэ і абмен вопытам.

На фестываль з'едуцца, як мяркуецца, прадстаўнікі бібліятэк Гродзенскай вобласці з Дзятлава, Навагрудка, Воранава, Ваўкавыска, а таксама са Стоўбцаў і Баранавіч.

Свае творы на фестывалі прэзентуюць сучасныя беларускія літаратурныя мастакі. Пісьменніца Валерыя Фамінова з выдавецтва «Рэгістр» абяцала праспяваць для прысутных, а Міхась Лучыцкі, аўтар ваенна-прыгодніцкіх раманаў, мяркуе далучыць чытачоў да квэст-гульні. Малады аўтар Выдавецкага дома «Звязда» Павел Гушынец раскажа пра сваю кнігу «Дзяўчынка і кракадзіл», а Віктар Шніп, галоўны рэдактар выдавецтва «Мастацкая літаратура», распавядзе пра кніжныя навінкі.

— Нават у век інфармацыйных тэхналогій кніга займае, як і раней, лідзіруючае становішча сярод іншых носьбітаў інфармацыі, — упэўнена дырэктар карэліцкай бібліятэкі.

Ірына СІДАРОК

Загаловак у газеце: Кніжная вясёлка

Выбар рэдакцыі

Спорт

«Людзі думаюць, што ўсёмагутныя і — разбіваюцца»

«Людзі думаюць, што ўсёмагутныя і — разбіваюцца»

Ці так небяспечны парашутны спорт, як здаецца на першы погляд?

Грамадства

Дзе знаходзяць падтрымку бацькі асаблівых малых?

Дзе знаходзяць падтрымку бацькі асаблівых малых?

Стаялі ў калідоры і ўспаміналі першыя крокі ў выхаванні сваіх асаблівых дзетак.

Культура

«Калі чалавецтва зноў паставіць перад сабой высокія пытанні, яно мяне ўспомніць»

«Калі чалавецтва зноў паставіць перад сабой высокія пытанні, яно мяне ўспомніць»

Пагутарылі з нявесткай вядомага ўраджэнца Віцебска Лазара Хідэкеля.