Вы тут

Банкаўская картка і рахунак сотавага: два ў адным*


МТС і банк Дабрабыт прэзентавалі прадукт для безнаяўных разлікаў.


Магчымасць карыстацца пластыкавай карткай, грошы на якой “прывязаны” не да банкаўскага рахунку, а балансу мабільнага тэлефона, неўзабаве з’явіцца ў  абанентаў МТС. Інавацыйны прадукт створаны  мабільным аператарам МТС, банкам Дабрабыт і Mastercard. Карткай можна аплачваць тавары, камунальныя паслугі, разлічвацца ў кафэ і здымаць з яе гатоўку. Разлічваючыся па картцы “МТС Грошы”, можна тым самым атрымаць да 10 % кэшбэку на паслугі сотавай сувязі.

Картку можна таксама падключаць да сервісу Samsung Pay і разлічвацца на касе, дакранаючыся мабільным да тэрмінала. МТС Грошы — добрае рашэнне для дзіцяці ці бацькоў-пенсіянераў, запэўнілі стваральнікі ўнікальнай распрацоўкі, прэзентуючы яе падчас выставы “Tibo-2019”.

— Гэта карысны і зручны прадукт, які па сваіх тэхнічных якасцях не саступае стандартнай банкаўскай пластыкавай картцы. З яго дапамогай можна здзяйсняць усе аперацыі, якія даступны трымальнікам банкаўскіх картак. Карыстацца ёю за мяжой, пераводзіць грошы праз інтэрнэт і тэрміналы, — абазначыў Аляксандр ВАЛАДЗЬКО, намеснік старшыні праўлення банка Дабрабыт.

Акрамя таго, сродкі на картцы можна папаўняць, пераводзіць іх на іншыя карткі, атрымліваць СМС-апавяшчэнні пра рух грошай і адсочваць баланс у рэжыме рэальнага часу ў дадатку “МТС Грошы”.

— Прадукт атрымаўся вельмі непрастым тэхналагічна, і гэта адна з яго асноўных вартасцяў. Яшчэ адзін важны момант — праграма лаяльнасці, якая будзе матываваць кліентаў здзяйсняць яшчэ больш плацяжоў у зручным і бяспечным фармаце , — пракаменціраваў Вадзім ГАЛОЎЧЫЦ, віцэ-прэзідэнт міжнароднай плацёжнай сістэмы Mastercard у Беларусі.

Пры гэтым перавод грошай на рахунак будзе адбывацца без камісій, проста праз папаўненне балансу нумара тэлефона.

— Мы стартуем з паняццем бясплатная сувязь, — заявіў Дзяніс ЦЯРЭШЧАНКА, кіраўнік дэпартамента маркетынга МТС. — Грошы, якія кліент безнаяўным спосабам траціць па картцы, вяртаюцца ў выглядзе кэшбэка, і сувязь будзе практычна поўнасцю бясплатнай, калі хопіць спажытых сродкаў.

Карыстацца новым прадуктам досыць проста. Трэба проста кантраляваць стан рахунку. У кліента будзе картка, якую можна выкарыстоўваць як звычайную банкаўскую, аднак гэта ўсё ж рэзервовы спосаб разлікаў, кажуць стваральнікі новага сродку. Хаця гэта зусім новае рашэнне ў Беларусі, з часам картка, як плануецца, папоўніцца новымі сервісамі.

— Вялікая колькасць нашых абанентаў прысутнічае ў інтэрнэце, і вельмі важна, каб ім было зручна здзяйсняць усё, што неабходна, у гэтым віртуальным асяродку. Літаральна ў маі з’явяцца першыя ўладальнікі нумароў МТС, якія змогуць аформіць такую бескантактную картку, — мяркуе Уладзімір КАРПОВІЧ, генеральны дырэктар кампаніі МТС. — Неімянныя карткі будуць выдавацца на тры гады ў салонах сувязі тэлеком-аператара. Заказаць яе можна таксама праз дадатак “МТС Грошы”.

За ўсімі тэхналогіямі павінны быць сэнс, і ён у зручнасці. Мы аб’ядналі ў адзін прадукт дзве зразумелыя рэчы: банкаўскую картку і мабільны тэлефон. Аднак за кожным рашэннем стаіць вельмі складаная сістэма, кажуць стваральнікі карткі. Яе выпуск і абслугоўванне будуць бясплатным, як і плацяжы па картцы, аднак трэба памятаць, што за здыманне гатоўкі, напрыклад, і выкарыстанне мабільнага і інтэрнэт-банкінга, будзе брацца камісія.

Ірына СІДАРОК, Вераніка ХІЛЬКЕВІЧ

Фота Андрэя САЗОНАВА

*На правах рэкламы

УНП 800013732

СТАА «Мабільныя ТэлеСістэмы»

Выбар рэдакцыі

Грамадства

Фітнес-трэнер для матуль у дэкрэце Святлана Немірка распавядае пра сакрэты прафесіі

Фітнес-трэнер для матуль у дэкрэце Святлана Немірка распавядае пра сакрэты прафесіі

Актыўная мама — гэта не толькі трэнд, але і жыццёвая неабходнасць у сучасным свеце.

Грамадства

«Тата вернецца, калі ападуць усе лісцікі». Чаму сямейная падтрымка неацэнная для салдата

«Тата вернецца, калі ападуць усе лісцікі». Чаму сямейная падтрымка неацэнная для салдата

Трывалая сувязь з блізкімі і роднымі вельмі важная для чалавека, які служыць у войску. 

Грамадства

Як у Магілёве, Баранавічах і Чавусах рэалізуецца праект камунальнага кіравання ў гарадах

Як у Магілёве, Баранавічах і Чавусах рэалізуецца праект камунальнага кіравання ў гарадах

Мэта праекта — на прыкладзе трох беларускіх гарадоў паказаць, як можна палепшыць сістэму кіравання гарадской гаспадаркай.

Грамадства

Азбука прафесій: балерына Таццяна Уласень пра кар'еру і сям'ю

Азбука прафесій: балерына Таццяна Уласень пра кар'еру і сям'ю

Разам з 9-гадовай дачкой раскрывае сакрэты.