Вы тут

Беларускія «танкісты» атрымалі віншаванні з Днём касманаўтыкі з борту МКС


Члены экіпажу Міжнароднай касмічнай станцыі Алег Кананенка і Аляксей Аўчынін сёння ў прамым эфіры павіншавалі беларускіх удзельнікаў вядомай гульні World of Tanks з Днём касманаўтыкі. А ў мінскі офіс распрацоўнікаў гульні усяго на некалькі гадзін прыехаў герой Расійскай Федэрацыі, касманаўт-выпрабавальнік Алег Арцем’еў, чые бацькі родам з Беларусі, — спецыяльна каб правесці анлайн-квіз на тэму космасу і касмічных тэхналогій. 


Касманаўт з беларускімі каранямі прэзентаваў беларускай камандзе распрацоўнікаў гульні World of Tanks танкавы шлем, які таксама пабываў на зямной арбіце, а цяпер зойме пачэснае месца ў музеі кампаніі Wargaming.

«У Беларусі жывуць мае бацькі, і я рады сюды прыязджаць, бо тут многа адкрытых і прыемных людзей, чкія цікавяцца космасам, — адзначыў Алег Арцем’еў. — Я атрымаў вялікае задавальненне ад таго сумеснага „касмічнага ўрока“, які мы правялі летась з Wargaming, калі я знаходзіўся на МКС. Падзяліцца ўражаннямі, перажытымі на арбіце, даць людзям адчуць, што навуковы прагрэс і развіццё тэхналогій не стаяць на месцы — на мой погляд, гэта доўг любога касманаўта».

Дарэчы, перамовы аб магчымасці выйсці на сувязь з МКС вяліся з расійскім бокам амаль паўгода, але ў выніку завяршыліся паспяхова. І цяпер, акрамя віншавання з Днём касманаўтыкі, у межах акцыі «Касмічны бонус», зладжанай пры падтрымцы федэральнага агенцтва Раскосмас, з 12 па 15 красавіка гульцы ў World of Tanks упершыню ў гісторыі будуць атрымліваць з арбіты баявыя заданні.

Іван ХВІР

Фота прадстаўлена кампаніяй Wargaming

Выбар рэдакцыі

Эканоміка

Ці патаннее жыллё ў наступным годзе?

Ці патаннее жыллё ў наступным годзе?

А што ў сталіцы — тое і ў рэгіёнах.

Спорт

Спартыўны псіхолаг Кацярына Буча распавядае, ці лёгка вырасціць чэмпіёна

Спартыўны псіхолаг Кацярына Буча распавядае, ці лёгка вырасціць чэмпіёна

Як правільна вызначыць від спорту, які падыходзіць для вашага дзіцяці, ці варта ўвогуле прымушаць яго хадзіць на трэніроўкі?

Грамадства

«На паводзіны Любы не было нараканняў». Наколькі складана выхоўваць дзіця з сіндромам Даўна

«На паводзіны Любы не было нараканняў». Наколькі складана выхоўваць дзіця з сіндромам Даўна

Даша нарадзіла раней за тэрмін з дапамогай кесаравага сячэння. 

Грамадства

«Тут у некаторых па дзве вышэйшыя адукацыі». Расказваем, як і чым харчуюцца бяздомныя

«Тут у некаторых па дзве вышэйшыя адукацыі». Расказваем, як і чым харчуюцца бяздомныя

Яны з розных прычын засталіся без дому і сродкаў на пражыванне.