Вы тут

Малады сасновы лес з’явіўся ў Мінскім раёне


Ён быў высаджаны ў межах акцыі «Тыдзень лесу», якая сёння стартавала ў краіне.


Аднымі з першых свой унёсак у справу стварэння новых лясоў зрабілі спецыялісты Мінскага гарадскога камітэта прыродных рэсурсаў і аховы навакольнага асяроддзя і УП «Мінская лесапаркавая гаспадарка». На плошчы ў 1,7 га на тэрыторыі Сосненскага лясніцтва (паміж ДНУ «АІЭЯД-Сосны» НАН Беларусі і УП «Амкадор-Радыян») яны высадзілі 8 тысяч сеянцаў сасны.

***
Рэспубліканская добраахвотная акцыя «Тыдзень лесу» праходзіць з 13 па 20 красавіка. Яе арганізатарам традыцыйна выступае Міністэрства лясной гаспадаркі. Галоўныя мэты мерапрыемства: папулярызацыя беражлівых адносін сярод насельніцтва да лесу — аднаго з галоўных прыродных рэсурсаў краіны; узмацненне экалагічнай, эканамічнай і сацыяльнай ролі лясоў. Сёлета акцыя прымеркавана да Году малой радзімы і 75-годдзя вызвалення Беларусі ад нямецка-фашысцкіх захопнікаў.

Стаць удзельнікам акцыі можа кожны. Для гэтага дастаткова звярнуцца ў найбліжэйшы лясгас ці лясніцтва. Лесагаспадарчыя ўстановы забяспечаць валанцёраў пасадачным матэрыялам, а таксама інвентаром, падкажуць аб’екты, на якіх неабходна пасадзіць лес.

Сёлета «Тыдзень лесу» праходзіць ужо ў дванаццаты раз.

Мерапрыемства карыстаецца інтарэсам у насельніцтва: толькі ў 2018 годзе ў акцыі прынялі ўдзел звыш 80 тысяч чалавек. За 7 дзён рукамі неабыякавых беларусаў было высаджана больш за 25 мільёнаў дрэў.

Вераніка Коласава

Фота прэс-службы Мінскага гарадскога камітэта прыродных рэсурсаў і аховы навакольнага асяроддзя

Выбар рэдакцыі

Грамадства

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

У пачатковы перыяд Вялiкай Айчыннай вайны зацятыя баi разгарнулiся пры абароне Барысава — старадаўняга беларускага горада на Бярэзiне. 

Грамадства

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

«Лічбавыя жулікі», якія здымаюць грошы з чужых банкаўскіх карт, звычайна маскіруюцца пад інтэрнэт-рэсурсы, вартыя даверу.